Nemanja Vidić yateye icyotezo Cristiano Ronaldo bakinanye
Umunya bigwi wa Manchester united Nemanja Vidić yavuze ko ibyo Cristiano Ronaldo byose yagezeho abikesha gukora cyane mu buzima bwe.
Uyu Munya-Serbia wakiniye Manchester united kuva mu mwaka wa 2006 kugeza 2014, yabitangaje igihe yavugaga kuri uyu Munya-Portugal bakinanye muri iyi kipe igihe batozwaga na Sir Alex Ferguson.
Uyu myugariro wabaye igitangaza mu ikipe ya Manchester united yagize Ati” ntiwibagirwe ko buri kimwe afite, ibyo yagezeho , ndetse ikirenzeho n’umubiri we yabikuye mu gukora cyane.”
Aba bombi batwaranye ibikombe bitatu bya shampiyona y’Abongereza “Premier League” mu mwaka w’imikino wa 2006-2007, 2007-2008 ndetse no mu mwaka w’imikino wa 2008-2009.
Batwarana kandi UEFA Champions League imwe ya 2007-2008, dore ko muri 2009 Cristiano Ronaldo yahise yerekeza mu ikipe ya Real Madrid mu gihugu cya Esipanye.
Kuri ubu Cristiano Ronaldo yibereye mu ikipe ya Al-Nassr FC muri shampiyona ya Arabia Saudi “Saudi Pro-League” akaba ari kurwana no kuzuza ibitego 1000 mu mwuga we wo guconga ruhago.