Mudasobwa iruta izindi (supercomputer) yatangaje abantu ikigero cy’amahirwe yahaye Manchester City mu kwegukana igikombe
Ikipe ya Manchester City ikomeje guhura n’uruhurirane rw’intsinzwi haba mu rugo ndetse no mu marushanwa mpuzamahanga.
Nyuma yo gutsindwa n’ikipe ya Manchester United muri iyi week-end ishize, ikipe ya Manchester City yahise irushwa na Liverpool amanota 9, ni mugihe kandi Liverpool ifite umukino w’ikirarane byumvikana ko mu gihe yawutsinda hahita hajyamo amanota 12.
Nyuma y’intsinzwi, mudasobwa idasanzwe(supercomputer) yahaye ikipe ya Manchester City amahirwe angana na 1.9% kuba yatwara igikombe mu gihe iyi mudasobwa yahaye ikipe ya Manchester City umwanya wa 4 ku mahirwe ya 42%.
Liverpool yahawe amahirwe angana na 82% yo kuba yatwara igikombe mu gihe ikipe ya Arsenal imaze imyaka ibiri igishakisha yo yahawe 10.6%.
Iyi mudasobwa kandi yemeranya n’umutoza wa Chelsea ko itari mu zihatanira igikombe aho yayihaye amahirwe ya 5.5%, mu gihe umwanya iyi kipe ihabwa na mudasobwa ari uwa Gatatu.
Amakipe ya Chelsea, Arsenal, Liverpool na Manchester City ari mu yatunguranye ubwo byemezwaga ko ariyo yatoranyijwe nk’azasoza mu myanya ine yambere.
Nubwo idafite Rodri wagize ikibazo cy’imvune izamara igihe kirekire, Manchester City imaze gutsinda umukino umwe muri 11 iheruka mu marushanwa yose. Batsinzwe imikino ibiri ya UEFA champions league harimo uwa Sporting CP ndetse n’uwa Juventus, iyi kipe kandi ikaba yarabashije gutsinda Nottingham forest yonyine mu gihe yamaze gusezererwa mu irushanwa rya Carabao cup.
Nubwo inzira basoje isa nkaho yabahagije cyane , ikipe ya Manchester city ifite ibibazo biyiri imbere bikomeye cyane aho ifite ikipe ya Brentford, Aston villa ndetse ukongeraho n’urugendo bazakora berekeza ku kibuga Parc des Prince ubwo bazaba bakirwa n’ikipe ya Paris Saint Germain mu mikino ya UEFA champions league.
Ukurikije uko bimeze ubu ikipe ya Manchester City yicaye ku mwanya wa 22 mu mikino ya UEFA champions League aho igwa miswi mu manota n’ikipe ya PSV Eindhoven ndetse n’iya Dinamo Zagreb.
Birashoboka cyane ko ubwami bwa Pep Guardiola bwaba bugiye guhirima nyuma y’igihe kirekire buyoboye iyi shampiyona y’Abongereza?