Minisitiri mushya wa siporo ntamwanya wo guta afite akazi yagatangiriye muri BK Arena atangiza ibirori bya Basketball
Minisitiri mushya wa siporo Nyirishema Richard yafunguye ku mugaragaro imikino y’ijonjora yo gusha tike y’igikombe cy’isi cya 2026 cya Basketball mu bagore igiye kubera muri BK Arena.
Hano mu Rwanda iminsi yari ibaye myinshi hitegurwa imikino y’injonjora muri Basketball hashakwa itike y’imikino yanyuma y’igikombe cy’isi cya 2026 mu bagore igomba kuber muri BK Arena kuva taliki ya 19 kanama kugeza 25 kanama 2024.
Nyuma yumuhango wo kurahira wabaye n’ubundi kuri uyu w’ambere italiki ya 19 kanama 2024 wayobowe na peresida wa repubulika y’u Rwanda Paul Kagame, Minisitiri mushya wa siporo Nyirishema Richard uherutse gusimbura Munyangaju Aurore Mimosa niwe wafunguye ku mugaragaro iri rushanwa mu izina rya repubulika y’u Rwanda.
Iyi mikino y’amajonjora mu bagore hashakwa tike y’imikino y’igikombe cy’isi cya 2026 muri Basketball iri kuber mu Rwanda yitabiriwe n’amakipe atandukanye arimo u Rwanda,Lebanon,Great Britain,Brazil,Philippines,Hungary ndetse na Senegal.
Ikipe y’Igihugu y’u Rwanda yari itegerejewe n’abakunzi benshi b’a Basketball ku mukino wayo w’ambere yitwaye neza itsinda ikipe y’Igihugu ya Lebanon amanota 80-62, aho Bella Murekatete ariwe witwaye neza muri uyu mukino atsinda amanota 24, akora na rebound 7.
Ikipe y’u Rwanda izagaruka mu kibuga kuri uyu wa gatatu taliki 21 kanama 2024 bacakirama n’ikipe y’Igihugu ya Argentine yitwayeneza mu mukino wayo w’ambere batsinda Great Britain amanota 53-47, akaba ari umukino uzabera muri BK Arena ku isaha ya saa mbiri z’umugoroba(20h00 PM) .
Dore uko imikino yose yagenze muri rusange ku munsi w’amabere w’iyi mikino ya Basketball
Hungary 61-63Senegal
Brazil 77- 74 Philippines
Great Britain 47- 53Argentine
Rwanda 80- 62Lebanon
Dore uko amakipe ari bwesurane kuri uyu wa kabairi taliki ya 20 muri BK Arena
Philippines VS Hungary//17h00 PM,BK ARENA
Senegal VS Brazil//20h00 PM,BK ARENA
