Man city yaciye agahigo katari kakorwa n’indi kipe yo muri Premier League
Ikipe ya Manchester City yatangaje ko yaciye agahigo katari kakorwa n’indi kipe yo muri Premier League nyuma yo kwinjiza arenga miliyoni 715 zama pound nk’inyungu mu mwaka w’imikino ushize .
Ishami rishinzwe icungamari mu ikipe ya Manchester city ryemeje ibi rinavuga ko ryaishingiye kuri raporo z’imari za konti y’iyi kipe zakozwe guhera mu ntangiriro mu ntangiriro z’ukwezi kwa Kamena mu mwaka ushize wa 2023 kugeza ku ya 30 Kamena 2024 .
Izi raporo zerekana ko amafaranga iyi kipe yo mu mujyi wa Manchester yinjije yazamutseho asaga gato miliyoni 2.2 avuye kuri miliyoni 7 712.8, yari yarungutse mu mwaka w’imikino wari wabanje ndetse wari wanarabaye mwiza kuko ni nabwo iyi kipe yegukanyemo champions League na Premier League .
Muri iyi raporo y’imari Man city yashyize ahagaragara inerekana ko ahanini irizamuka ridasanzwe ry’inyungu iyi kipe yabonye rishingiye ku kuba Umushahara w’abakozi bayo waragabanutse aho wavuye kuri £ 10.3m ugera kuri 412.6m .
Ahandi havugwaho kuba harateye izi nyungu z’umurengera ku ikipe ya Manchester city n’izamuka ridasanzwe ry’amafaranga yinjiye muri iyi kipe aturutse mu bikorwa by’ubucuruzi haba mu kugurisha imyambaro y’ikipe , amatike ndetse n’abaterankunga batandukanye bagiye batera inkunga iyi kipe , yiyongereye nyuma kuva kuri 341.4m akagera kuri 344.7m.
Byongeyeho kandi, Man city yabonye inyungu rusange ingana na miliyoni 92.8 zama pound yakuye mu kugurisha no gutiza abakinnyi byakozwe kuva mu mpera za Kamena, aha harimo kugurisha umukinnyi ukomoka muri Arijantine, Julian Alvarez, myugariro w’umunya – Portigal witwa Joao Cancelo na rutahizamu Liam Delap.
Ibi binerekana ko iyi kipe nubwo yagendaga itakaza abakinnyi ikabona aka kayabo k’amafaranga , iyi kipe ya Pep Guardiola yagiye itakaza abakinnyi bakomeye kandi batagiye basimbuzwa uko bikwiye bijyana n’abo babaga batakaje noneho ibi byakikubitaho imvune za bamwe mu bakinnyi bayo bagiye bayifasha nka Rodri bigatera icyuho mu mikinire y’iyi kipe binavuyemo kumara imikino 10 batsinzwemo inshuri imwe gusa .
Ndetse niba nta gikozwe ku isoko ry’igura n’igurisha riteganijwe kuba mu kwezi kwa mbere iyi kipe ishobora gukomeza kugana ahaga cyane cyane niba idasimbuje umukinnyi ukina hagati mu kibuga ariko asa nkaho yugarira [ Umusimbura w’umunya – Esipanye wavunitse umwaka wose w’imikino witwa Rodrigo Hernández Cascante, bakunze kwita Rodri cyangwa Rodrigo] .
