Man city ishobora kutazoboneka mu makipe ane ya mbere uyu mwaka : Pep Guardiola
Umunya- Esipanye utoza ikipe ya Manchester City witwa Pep Guardiola, yaraye atangaje ko iyi kipe ifite ibyago byo kubura mu myanya ine ya mbere muri iyi Shampiyona ndetse ko hari amahirwe menshi yo kutazaboneka muri champion’s League y’umwaka utaha.
Man city iri ku mwanya wa karindwi muri Premier League nyuma y’imikino 17 imaze gukinwa muri rusange, ikaba irushwa amanota ane n’ikipe ya Nottingham Forest iri ku mwanya wa kane ikaba inarushwa inota n’ikipe ya Bournemouth iri kumwanya wa gatanu.
Ubwo yari mu kiganiro n’itangazamakuru cyibanziriza umukino , Umunya- Esipanye utoza ikipe ya Manchester City witwa Pep Guardiola yabibajijweho arangije asubiza ati : “Ibi nigeze kubivugaho mbere, gusa abantu barabasetse cyane bumva nsa nkaho ndi gutebya no kwishongora ku makipe yari andi inyuma.”
” icyo gihe bavugaga bati kubona itike yo gukina champions league ntabwo ari intsinzi ikomeye cyangwa ikintu cyo kwishimira ku ikipe yari yatwaye shampiyona mu mwaka watambutse .
“Ariko ndabizi kuko bijya bibaho cyane ku makipe akomeye yo muri iki gihugu ugasanga bamaze imyaka myinshi bayoboye umupira hano ariko ugasanga bamaze indi myaka myinshi batabasha no kwitabira Champions league .”
Pep Guardiola yatanze urugero rw’igihe amakipe arimo Arsenal, Chelsea, Liverpool na Manchester United barangirije muri bane ba mbere kuva mu mwaka w’imikino wa 2005-06 kugeza 2008-09.
Gusa ariko nibura ikipe eshatu muri izo nizo zatwaye imyanya ine ya mbere muri shampiyona 15 zakurikiyeho nibura kugeza muri 2012 , ibi byerekana gukomera ndetse n’ikigero cy’ihangana muri Premier League .
Ku ruhande rwa Guardiola na Man city mu kanya bagiye kwakira ikipe ya Everton kuri uyu munsi wahariwe gufungura impano , mbere yo kujya i Leicester ku ya 29 Ukuboza gukina na Leicester city bagahita bakurikizaho umukino wo mu rugo bazacakiranamo n’ikipe ya West Ham ku ya 4 Mutarama.