Leta zunze ubumwe z\’Amerika zemereye Ukraine gukoresha ibisasu yahawe n\’Uburengerazuba bw\’isi mu ntambara yayo n\’Uburusiya

Ni ubusabe peresida wa Ukraine Volodymyr Zelensky yari amaze igihe ategereje ko ibihugu bitera inkunga mu ntambara igihugu cye kirwanamo n\’Uburusiya byemera.

Mu mbwirwaruhame n\’ibiganiro n\’abanyamakuru, Perezida w\’Ubufaransa Emmanuel Macron ntiyahwemye kugaragaza ubushake bwo gufasha Ukraine bigeza n\’aho yigamba kohereza ingabo ngo zifashe iza Ukraine, ubu yatangaje ko Iki gihugu cyakoresha ibitwaro cyahawe n\’Uburengerazuba muri iyi ntambara nk\’uko Ukraine itahwemye gutangaza ko arizo zizabasha gusunika Uburusiya ku mirongo y\’urugamba.

Mu nteko y\’abaminisitiri b\’ububanyi n\’amahanga b\’ibihugu binyamuryango bya OTAN,umunyamabanga w\’uyu muryango wo gutabarana (OTAN) bwana Jens Stoltenberg ndetse n\’umunyamabanga wa Leta zunze ubumwe z\’Amerika Antony J Blinken bemeranije ko Ukraine igomba gukurirwaho inzitizi zari zihari mu gukoresha ibisasu yahawe na Amerika mu bitero byo kwigaranzura Uburusiya.

Mu masaha make ashije, president Joe Biden wa Leta zunze ubumwe z\’Amerika yatangaje ko ubu Ukraine yakoresha intwaro n\’amatanka yahawe kugira ngo ibashe guhangana n\’Uburusiya arko ikazikoresha gusa muri Kharkiv.

Perezida wa Ukraine Volodymyr Zelensky yatangaje ko anezerewe n\’igisubizo yahawe b\’ibihugu by\’inshuti birangajwe imbere na Leta Zunze ubumwe z\’Amerika, anakomoza kukuba Uburusiya buri kwibasira baturage badafite Aho bahuriye n\’intambara.Uburusiya bwatangaje ko bugomba gusubiza kuri iryo yemerwa ryo gukoresha izo ntwaro ndetse bunaburira kwitonda muri iryo koreshwa ryazo.

Ibi bije bisanga nubundi Ukraine itorohewe n\’ibitero biri kugabwa mu mujyi wa Kharkiv.Kharkiv ni umugi wa kabiri munini muri Ukraine ukaba Ari nawo wegereye imbibi za Ukraine n\’Uburusiya ubu ukaba wibasiwe n\’ibitero bikomeye by\’Uburusiya.