Leta zunze ubumwe z’ Amerika : Undi muntu witwaje intwaro yafatiwe iruhande rwaho Donald Trump yari agiye kwiyamamariza
Umuntu witwaje imbunda ebyiri ntoya zitemewe n’amategeko yaterewe muri yombi hafi y’aho Donald Trump yariho yiyamamariza i Coachella muri leta ya California, nk’uko polisi ibitangaza.
Umugabo witwaje imbunda ebyiri bivugwa ko yitwa Vem Miller w’imyaka 49, yari atwaye imodoka ubwo yahagarikwaga n’abashinzwe umutekano kuri bariyeri bakamusaka bakamusanga izi ntwaro.
Umwe mu bashinzwe umutekano yabwiye CBS News ko nta kimenyetso kirereka ko yari afite umugambi wo kwica.Abategetsi ba hano bavuga ko bakirimo guperereza kuri iki gikorwa, kandi nibiba ngombwa bamurega ibindi byaha by’inyongera.
Uwo mugabo yafashwe hasigaye isaha imwe ngo Trump agere imbere aho yari kuvugira ijambo rye yiyamamaza.
Mu gihe igipolisi cya hariya kivuga ko batazi umugambi w’uyu mugabo, umukuru wa polisi yaho Chad Bianco yavuze ko yemera neza ko abapolisi be baburijemo ukugerageza ku nshuro ya gatatu kwica Trump.
Gusa yongeyeho ko bidashoboka kwemeza neza ko uwo ari wo wari umugambi we.Umwe mu bashinzwe umutekano yabwiye CBS News ko nta kimenyetso kirereka ko yari afite umugambi wo kwica.
Ku wa gatandatu, Trump yakoreye ukwiyamamaza kwe i Butler muri Pennsylvania ha handi yarasiwe ariko bakamuhusha agakomereka ugutwi hagapfa umuntu umwe.
Undi mugabo ubu na we arafunze nyuma yo gufatirwa hanze ya Trump International Golf Club muri Nzeri(9) muri Florida. Uwo mugabo yari yihishe mu gihuru iruhande rw’ikibuga cya Golf afite imbunda kandi yiteguye kurasa.