Lamine Yamal yakoze ibyaherukaga gukorwa na Messi mu myaka 9
Umunya-Esipanye Lamine Yamal yatanze umupira wavuyemo igitego mu ijoro rya keye bituma yuzuza uwa gatandatu mu mikino 10 byaherukaga gukorwa na Lionnel Messi muri 2014-2015.
Hari mu mukino w’umunsi wa 10 w’ashampiyona y’umupira w’amaguru muri Esipanye aho ikipe y’umutoza Hansi Flick[Barcelona] yari yakiriye ikipe ya Sevilla kuri Estadio Olimpico Lluis Companys.
Ni umukino warangiye Barcelona iwitwayemo neza itsinda ibitego bitanu kuri kimwe(5-1), bya Robert Lewandowski ku munota wa 24′ kuri penaliti, Pedri ku munota wa 28′, Robert Lewandowski ku munota wa 39′, ndetse na Pablo Torre 82′, 88′.
Muri uwo mukino Umunya-Esipanye ufite amamuko muri Morocco Lamine Yamal yatanze umupira wavuyemo igitego cya kabiri kuri Pedri byatumye yuzuza imipira amaze gutanga itandatu mu mikino 10 muri shampiyona y’igihugu ya Esipanye.
Ibi muri Barcelona byaherukaga gukorwa na Lionnel Messi mu mwaka w’imikino wa 2014-2015 none byo ngeye kuba muri 2024-2025 , bikozwe nuyu muzore w’imyaka 17.
Yamal amaze kuzuza uruhare rw’ibitego 10 muri shampiyona gusa aho yatsinze ibitego 4 atanga n’imipira 6 yavuyemo ibitego.
Kuri ubu Barcelona iyoboye urutonde ry’ashampiyona y’igihugu cya Esipanye n’amanota 27, imaze gutsinda imikino 9 batakaza umwe.
Ni mu gihe bakurikirwa na Real Madrid ya Dr Carlo Ancelotti n’amanota 24, aho imaze gutsinda imikino irindwi, banganya imikino itatu gusa ntanumwe baratakaza.