#Kurahira 2024 : abarimo perezida wa Kenya William ruto bamaze kugera i Kigali
Abakuru b’Ibihugu na za Guverinoma n’abandi bashyitsi bakomeje kugera i Kigali, bitabiriye umuhango wo kurahira kwa Perezida wa Repubulika Paul Kagame uteganijwe kuza gutangira ku i saa cyena zo kuri iki cyumweru.
Abakuru b’ibihugu n’aba za Guverinoma barenga 20 ni bo biteganyijwe ko bazitabira umuhango w’irahira rya Perezida Kagame ugiye kubera kuri Stade Amahoro kuri iki cyumweru.
Aba barimo Minisitiri w’Intebe wa Senegal Ousmane Sonko , Perezida Mamadi Doumbouya wa Guinea, Perezida wa Gabon Brig Gen Brice Clotaire Oligui Nguema na Visi Perezida wa Côte d’Ivoire Tiémoko Meyliet Koné ,Minisitiri w’Intebe wa Sao Tome na Principe, Patrice Trovoada , Gen Muhoozi Kainerugaba, Umugaba Mukuru w’Ingabo za Uganda bamaze kugera mu Rwanda nabo baje kwitabira umuhango wo kurahira kwa Perezida wa Repubulika Paul Kagame.
Irindi tsinda ririmo Perezida Nana Akufo-Addo wa Ghana, Perezida Faustin-Archange Touadéra wa CAR, Perezida Faure Essozimna Gnassingbé wa Togo Perezida wa Ethiopia Sahle-Work Zewde, Perezida w’Inama y’Inzibacyuho ya Sudan Lt Gen Abdel-Fattah Al Burhan Abdelrahman na Olusegun Obasanjo, wahoze ari Perezida wa Nigerian’Umwami Mswati III wa Eswatini nabo bageze mu Rwanda, nabo bamaze kugera mu rw’imisozi igihugu kwitabira umuhango wo kurahira kwa Perezida wa Repubulika Paul Kagame.
Abaturage babarirwa mu bihumbi bageze muri Stade Amahoro ahabera ibirori by’Irahira rya Perezida Paul Kagame, watorewe kuyobora u Rwanda mu myaka 5 iri imbere ,Kugeza ubu nubwo umuhango nyiriza utari watangira dore ko uteganijwe ku isaha y’isaa cyenda ,Ababyeyi bafite abana bitabiriye ibirori by’Irahira rya Perezida Paul Kagame bashyizwe igorora ,aho muri Stade Amahoro hashyizwe icyumba cyihariye, aho abana bari kujyanwa bakitabwaho, bagahabwa ibyo kurya n’ibyo kunywa, bagakina hakoreshejwe ibikinisho by’abana, abandi bagize ibitotsi bakaryama bakaruhuka.
Perezida Paul Kagame ararahirira kongera kuyobora u Rwanda muri manda y’imyaka itanu kuri iki Cyumweru tariki 11 Kanama 2024 nyuma yo gutsinda amatora yabaye tariki 14 na 15 Nyakanga 2024, ku majwi 99.18%.Ni umuhango utegerejwe na benshi kuko Abanyarwanda bamugaragarije ko bishimiye kongera kuyoborwa na we kugira ngo akomeze abagezeho iterambere rirambye.
AMAFOTO : 👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿
