Jose Mourinho yashimagije ubuhangange bwa Sir Alex Ferguson uherutse kwirukanwa muri Manchester united
Umunya-Portigale Jose Mourinho utoza ikipe ya Fenerbahce avuga ko urukundo rw’abafana ba Manchester United ku isi ari ingenzi kuri Sir Alex Ferguson kuruta miliyoni 2 z’amapound ku mwaka yatakaje nyuma yo kuvanwa ku mwanya wa ambasaderi w’ikipe.
Ferguson azava ku mirimo ye mu mpera z’iyi shampiyona nyuma yuko nyir’umushinga mushya Sir Jim Ratcliffe yiyemeje gusesa amasezerano ye muri gahunda yo kugabanya ingano y’amafaranga asohorwa muri ikipe ku mwaka .
Mourinho yabajijwe icyo avuga kuri iki cyemezo ubwo yiteguraga guhura na Manchester United yahozemo, nk’umutoza wa Fenerbahce mu ijoro ryo ku wa kane mu mukino wa Europa League uteganijwe kubera i Istambul.
Aho Mourinho yagize ati: ‘Umubano wanjye na Sir Alex wari utangaje, udasanzwe, buriya ndekeka documentaire yanjye nisohoka kuri Netflix , muzamenya byinshi ku mpamvu mwubaha cyane.
Ku kibazo cy’ibyabereye muri United kuva yava muri iyi ikipe mu Kuboza kwa 2018,ndetse n’umusaruro wa Ten Hag , Mourinho yongeyeho ati: ‘Mvugishije ukuri, sinigeze ntakaza umunota n’umwe mbitekerezaho,gusa nahoze nifuriza ibyiza kuri Man United kuva nahava.
” Nagiyeyo numva meze neza , numvise meze neza kandi ndabifuriza ibyiza, niba rero ibintu bitagenda neza kuri bo, ntabwo ari ikintu kinshimisha. Ariko icyarimwe, nta mwanya mfite kandi ntabwo byumvikana ko ntekereza ku byabaye cyangwa bitabaye kandi ntacyo nsinzwe muri iyi ikipe. “
