FootballHomeSports

Iraguha Hadji yafashije ikipe ya Rayon sports kwikura i Rubavu

Ikipe ya Rayon sports yatsinze ikipe ya Rutsiro igitego kimwe ku ubusa cyatsinzwe na Iraguha Hadji mu mukino wahuzaga aya makipe muri shampiyona y’ikiciro cya mbere cy’umupira w’amaguru mu Rwanda [ Rwanda premier League] ,uyu mukino ukaba waberega kuri sitade mpuzamahanga y’akarere ka Rubavu izwi nka sitade Umuganda.

Ni umukino amakipe yombi agiye gukina ari mu bihe bitandukanye. Rayon Sports imaze gutsinda umukino umwe muri Shampiyona, aho iheruka gutsinda Gasogi United igitego 1-0 kuri Stade Amahoro. Rutsiro yo yatsinze imikino ibiri nyuma yo kuzamuka mu cyiciro cya Mbere uyu mwaka. Amakipe yombi amaze gukina imikino itatu n’ikirarane kimwe cya APR FC. Umukino yaherukaga guhuriramo kuri iki kibuga, Rayon Sports yari yahatsindiye ibitego 2-0 muri Gashyantare 2023.

Ikipe ya Rutsiro itozwa n’ Umutoza Gatera Musa yari yakiriye uyu umukino yagiriye icyizera abarimo: 30 Matumele Monzobo (umuzamu ), 2 Habyarimana Eugene ,16 Bwira Bandu Olivier, 23 Shyaka Philbert ,15 Ngilimana Alexis ,6 Uwambazimana Leon ,7 Nizeyimana Jean Claude , 22 Kwizera Eric ,18 Mumbere Jeremie ,20 Habimana Yves ,10 Mumbere M. Jonas.

Kuruhande rwa Murera ,umutoza Robertinho yahisemo gukoresha cumi n’umwe bari bamuhaye intsinzi kuri Gasogi aribo : 42 Khadime Ndiaye (umuzamu), 13 Fitina Omborenga, 24 Bugingo Hakim, 4 Nsabimana Aimable, 54 GningOmar ,21 Niyonzima Olivier Seif ,10 Aruna Madjaliwa ,11 Muhire Kevin ,14 Charles Baale ,18 Bassane na nimero 99 Iraguha Hadji.

Abasifuzi bayoboye uyu mukino barimo Nsabimana Celestin usanzwe ari umusifuzi ukomeye mu Rwanda ,Mutuyimana Dieudonne Dodos wari Umusifuzi wa mbere wungirije na Nsabimana Patrick ni umusifuzi wa kabiri wungirije.

Icya tunguranye kuri uyu mukino ni uko abari i Kigali batunguwe no kubura umukino kuri Televiziyo Shampiyona y’Icyiciro cya mbere ifite umuterankunga usanzwe anerekana Imikino itandukanye gusa byavugagwa ko yaba umukino w’uyu munsi hagati ya Rayon Sports na Rutsiro ndetse n’uw’ejo hagati ya APR FC yatwaye Shampiyona na Etincelles ikunzwe i Rubavu, nta n’umwe uzerekanwa kuri Televiziyo.

Uyu umukino warangiye Ikipe ya Rayon Sports itsinze Rutsiro FC igitego 1-0 mu mukino w’umunsi wa Gatanu wa Shampiyona waberaga i Rubavu. Igitego cya Iraguha Hadji ku munota wa 49 w’umukino ni cyo cyabaye itandukaniro ku makipe yombi. iki ni igitego Iraguha Hadji atsindiye igitego hanze y’urubuga rw’amahina, asaba imbabazi ikipe yahozemo.

Leave a Reply

Your email address will not be published. Required fields are marked *