Intambara ya Israel na Hezbollah : Habuze gato ngo Hezbollah ngo yivugane Netanyahu n’umugore we !
Minisitiri w’intebe wa Israel Benjamin Netanyahu yatangaje ko atazigera atezuka kugaba ibitero bigamije gutsinsura burundu umutwe wa hezbollah nyuma yuko ku munsi wejo urugo rwe rwagabweho ibitero bya Drone bivugwa ko ari uyu mutwe wa Hezbollah .
Abacishije ku urukutwa rwe rwa X yahoze yitwa Tweeter , Benjamin Netanyahu yavuze ko iki gikorwa cya Hezbollah ari ukwibeshya gukomeye cyane nyuma yuko uyu mutwe washatse kwivugana umufasha w’uyu mutegetsi wa Israel .
Netanyahu yakomeje avuga ko ibi bitero bidateze ku muhindurira imyumvire ku bijyanye no gukomeza gutera uyu mutwe ndetse n’ibihugu byose byagaragaje ko bikomeje gukingira ikibaba uyu mutwe mu buryo bwo kuwuha ubwihisho ;ibi birimo Libani na Iran .
Ubuyobozi bw’ibiro by’umukuru w’igihugu bya Israel byatangaje ko ku munsi wejo drone yarekuwe yerekeza mu majyepfo y’iki gihugu mu mujyi wa Caesarea aha hakaba ari naho haherereye inzu y’umukuru w’igihugu .
ku bw’amahirwe Netanyahu n’umugore we ntibari muri uru rugo iki gihe, kandi nta muntu n’umwe wigeza ukomereka , Kurundi ruhande ariko igihugu cya Irani cyatangaje ko Hezbollah ari yo yagabye iki gitero , nk’uko bitangazwa n’ibiro ntaramakuru bya leta ya Irani, bizwi nka IRNA.
Hezbollah ni ihuriro rifite imbaraga mu basilamu b’aba-Shia rigenzura umutwe wa gisirikare ukomeye kurusha iyindi muri Liban/Lebanon.
Yashinzwe mu ntangiriro z’imyaka ya 1980 n’igihugu gikomeye cy’aba-Shia – Iran, ngo ihangane na Israel. Icyo gihe, ingabo za Israel zari zimaze kwigarurira amajyepfo ya Liban mu ntambara yari muri icyo gihugu.
Hezbollah yitabiriye amatora kuva mu 1992 kandi kuva ubwo ni umutwe wa politike ukomeye mu gihugu.
Ishami ryayo rya gisirikare ryagabye ibitero bikomeye kuri Israel n’ingabo za Amerika muri Liban. Ubwo Israel yakuraga ingabo zayo muri Liban mu 2000, Hezbollah yigambye ko ari yo yazirukanye.
Kuva icyo gihe, Hezbollah ifite abarwanyi babarirwa mu bihumbi ndetse n’ububiko bunini bw’intwaro za misile mu majyepfo ya Liban.