Ikipe y’igihugu ya Africa y’Epfo iri mu itsinda rimwe n’u Rwanda igiye gukurwaho amanota

Ikipe y’igihigu ya Africa y’Epfo y’Umupira w’Amaguru “Bafana Bafana” biteganyijwe ko igomba gukurwaho amanota yabonye ku mukino wa Lesotho kubera gukinisha umukinnyi ufite amakarita y’umuhondo atamwemerera gukina.

Ku itariki ya 21 Werurwe 2025, nibwo iki gihugu cyari cyakiriye Lesotho mu mikino yo gushaka itike y’Imikino y’Anyuma y’Igikombe cy’Isi cya 2026, baranawitsinda ibitego bibiri ku busa(2-0), ibitego byagiyemo ku munota wa 60′ na 64′ w’umukino byinjijwe na Relebohile Mofokeng usanzwe akinira Orlando Pirates F.C yibwabo ndetse na Jayden Oswin Adams ukinira Mamelodi Sundowns F.C nayo yo muri Africa y’Epfo.

Uwakinnye yujuje imihondo ibiri ni kizigenza wabo Teboho Mokoena ukinira Mamelodi Sundowns F.C hagati mu Kibuga , Aya makarita y’imihondo yayabonye ku mikino ibiri itandukanye umwe yawubonye ku mukino wa Benin wabaye itariki 18 Ugushyingo 2023, umukino warangiye Africa y’Epfo itsinze Benin ibitego bibiri kuri kimwe(2-1), mu gihe undi yawubonye ku mukino South Africa yatsinzemo Zimbabwe ibitego bitatu kuri kimwe(3-1).

Ku bwo kwica amabwiriza Africa y’Epfo igomba gukurwaho amanota atatu yabonye ku mukino wa Lesotho, byahita bigira n’ingaruka ku buryo amakipe akurikirana ku rutonde , bigaha amahirwe Nigeria ndetse n’ikipe y’Igihigu y’u Rwanda “Amavubi” yo kuzagaragara muri Leta Zunze Ubumwe z’Abanyamerika, Canada na Mexico aho igikombe cy’Isi cyizabera.

Uko urutonde rwari ruhagaze

1.South Africa: 10
2.Benin: 8
3.Rwanda: 7
4.Nigeria: 6
5.Lesotho: 5
6.Zimbabwe: 3

Uko ruza kumera nikurwaho amanota!

1.Lesotho: 8(+2)
2.Benin: 8(+1)
3.Rwanda:7(0)
4.South Africa:7(-2)
5.Nigeria:6(1)
6.Zimbabwe: 3(-4)