Ikipe yakekwagaho kugurisha imikino yagabweho igitero n’abagizi ba nabi igihe yari mu myitozo
Abakinnyi b’ikipe ya Lobi Star FC iherereye mu mugi wa Makurd, muri Leta ya Benue muri Nigeria bagabwego igitero n’abagizi ba nabi bataramenyekana barabakubita babashinja kugurisha imikino.
Ibi byabereye ku kibuga iyi kipe ikoreraho imyitozo kitwa Government Model Secondary School Pitch, aho aba bagabye iki gitego bahondaguye bikomeye abakinnyi, abatoza ndetse n’abandi bagize iyi kipe muri rusange.
Amakuru akemeza ko babahoye ko iyi kipe ijya igurisha imikino yayo, ingero zitangwa ni ku mukino iyi kipe yatsinzwemo na Abia Warriors ibitego bibiri ku busa(2-0), ibyateye umujinya w’umuranduranzuzi abafana b’iyi kipe ndetse n’abakina imikino y’amahirwe.
Harakekwa ko Kandi ubuyobozi bw’iyi kipe aribwo bwaba bwatumye aba bagizi ba nabi gukubita abakinnyi ndetse n’abatoza b’iyi kipe mu rwego rwo kubaha isomo nyuma yo gutakaza umukino
Gusa, binyuze ku muyobozi ushinzwe itumanaho n’ihanahanamakuru w’iyi kipe Bwana Emmanuel Uja, yahakanye Aya makuru yivuye inyuma yemeza ko ntashingiro afite ko badashobora guteza abakinnyi babo abagizi ba nabi.
Iyi kipe ya Lobi Star FC kuri ubu iri ku mwanya w’anyuma ku rutonde rwa Shampiyona y’igihigu ya Nigeria “Nigeria Premier Football League” n’amanota 23 n’umwenda w’ibitego 18.
IYI NKURU UYAKIRIYE UTE?