Ibyamamare bikomeje kwitaba Imana, icyamamare muri filimi kitabye Imana mu buryo butunguranye
Umukinnyi w’ikirangirire muri filme Song Jae Lim, ukomoka muri Koreya y’Epfo, wamenyekanye cyane mu gakinabutumwa kitwa “Moon Embracing the sun” kakunzwe n’abatari bake, kuri uyu wa kabiri taliki 11 Ugushyingo 2024 yitabye Imana .
Uyu mugabo w’imyaka 39 y’amavuko, bivugwa ko umubiri we wasanzwe mu rugo rwe muri Seoul. Ni mugihe polisi yo muri iki gihugu ivuga ko Nta kimenyetso na kimwe kigaragaza icyaba cyahitanye ubuzima bw’uyu mugabo.
Song Jae Lim, yatangiye umwuga we nk’umunyamideli, azamukira mu ikinamico z’uruhererekane ahagana mu mwaka wa 2012, nyuma aza gutangira kujya atambutsa ibihangano bye ku mateleviziyo atandukanye ndetse no mu bitaramo by’imbere y’imbaga bitandukanye.
Urupfu rw’uyu mugabo rwumvikanye nyuma yuko aha muri Koreya y’Epfo, bivugwako abakora mu runganda rw’imyidagaduro na cinema bugarijwe n’igitutu gikomeye, ikaba ariyo mpamvu uru rupfu rwahangayikishije benshi aha muri Koreya.
Inganda z’imyidagaduro aha muri Koreya y’Epfo zizwiho kwihuta mu gufatira ibyamamare imyanzuro ikakaye, cyane cyane iyo hari ugaragaje imyitwarire idahwitse.
Hari bamwe mu byamamare byo muri Koreya y’Epfo byunamiye uyu muhanzi binyuze mu butumwa bagiye banyuza ku mbuga nkoranyambaga zabo, nyuma yo kumenyekana ku rupfu rwe.
Umukinnyi wa filme mugenzi we “Yoo Sun” bakoranye muri filme y’uruhererekane muri 2016, yifashishije konti ye ya Instagram, yashyize ahagaragara ifoto y’aba bombi yongeraho amagambo agira ati:” Birababaje cyane Kandi birababaza cyane…mukomeze kugira amahoro n’iruhuko ridashira”
Si uwo gusa Kandi, kuko uwitwa Park Ho San, akaba umukinnyi wa filme, yanyuze ku rukuta rwe rwa Instagram akandika ati:” kubera ko wahoraga wishimye, biragoye kubyakira”.
Nkuko tubikesha ikinyamakuru YonHap, cyo muri iki gihugu, umuryango wa Song wavuze ko wifuje gukora imihango yo gushyingura irimo abagize umuryango wabo gusa.