HomeOthers

Ibinyamakuru byo mu bufaransa bigiye kurega urubuga rwa X nyuma yo kuyishinja kubinyunyuza !

Kuri uyu wa kabiri , bimwe mu binyamakuru bikomeye byandikirwa mu gihugu cy’ubufaransa byafashe icyemezo cyo kujyana urubuga rwa X mu nzira z’amategeko nyuma yuko birushinja gukoresha amakuru yabyo mu nyungu zayo kandi batabishyuye .

Iki gikorwa gihuriweho n’ibinyamakuru bikomeye cyane byandikirwa mu gihugu cy’ubufaransa birimo Le Monde, Le Figaro, Les Echos, Le Parisien, Telerama, Courrier International, Huffington Post, Malesherbes Publications na Le Nouvel Obs.

Ibi bitangazamakuru byavuze ko X, yahoze yitwa Twitter, itigeze yemera gufungura imishyikirano n’abamamaza amakuru y’Abafaransa bitandukanye na Google na Meta Platforms Inc. ya Alphabet Inc.

Bavuze kandi ko X ifitwe n’umuherwe Elon Musk, itubahirije icyemezo cyatanzwe n’urukiko rw’ubutabera rwa Paris muri Gicurasi cyo gutangaza amakuru ariko hanibandwa mu kubara umubare w’abasuye izo nkuta kugirango babone uko bishyurwa .

Mu mwaka wa 2006 ubwo Twitter nibwo yashinzwe , maze muri 2023 nibwo umuherwe Elon Musk yatangaje ku mugaragaro ko inyoni yarangaga urubuga nkoranyambaga rwe, Twitter, yahindutse ubu yagizwe inyuguti ya X.

Elon Musk yaguze Twitter mu Ukwakira, 2022. Hari ku kiguzi cya Miliyari $44.

Bivugwa ko ku munsi abantu miliyoni 200 bakoresha Twitter.Nyirayo Elon Musk afite imyaka 53 y’amavuko akaba ari mukire wa mbere ku isi kuko urutonde ruheruka rwa Forbes Magazine rwasohotse kuri uyu wa Mbere taliki 24, Nyakanga, 2023 ruvuga ko afite Miliyari $236.5.

Leave a Reply

Your email address will not be published. Required fields are marked *