Ibibazo 5 biri kwibazwa n’abantu benshi ku mutoza Pep Guardiola nyuma y’umusaruro mubi ari kugira
Ikipe ya Manchester City ikomeje kujya ahabi nyuma yo kunganya n’ikipe ya Everton igitego kimwe kuri kimwe (1-1), bituma kuri ubu imaze gutsinda umukino umwe mu mikino 13 iheruka gukina mu marushanwa yose, bituma Pep Guardiola akomeza kwibazwaho.
Ibi ni ibibazo bitanu biri kwibazwa n’abenshi ku mutoza Pep Guardiola kubera ibihe bibi arimo byo kutabona intsinzi
1. Ese buriya Pep Guardiola azabasha kuvana Ikipe ya Manchester City muri ibi bihe bibi irimo?, Uyu mutoza w’Umunya-Esipanye ni umwe mu bakomeye i Burayi kubera ibikombe yatwaye by’umwihariko muri Barcelona na Manchester City, ndetse n’imibare myiza yagize. Iki kibazo benshi barakibaza kubera ko uyu mutoza yahahamuye abatari bake mu gihugu cy’Ubwongereza kubera ibikombe bine yatwaye yikurikiranya , ndetse na treble yo muri 2022-2023, benshi batekereza ko byanga bikunda uyu mutoza azagaruka nubwo bitameze neza ubu.
2. Buriya byari ngombwa ko Pep Guardiola yongera amasezerano?, Atarongerwa amasezerano uyu mutoza ayo yari afite yari buzarangirane na tariki 30 Kamena 2025, gusa yaje guhabwa andi azamugeza mu 2027 ndetse mu masezerano ye harimo amahitamo yo kuzakomeza kugera mu 2028.
3. Amasezerano yasinye ese buriya azayasoza?, Akenshi iyo umutoza atari kwitwara neza arirukanwa akarusho muri Premier League kuko nk’ubu hari n’abamaze kwirukanwa muri uyu mwaka w’imikino, gusa nanone watekereza ko uyu mutoza nawe ubwe abonye akomeje gutakaza ashobora no gufata umwanzuro ku gitike akaba ayasezera.
4. Buriya n’akomeza gutsindwa bizagenda bite?, Pep Guardiola mu myaka amaze mu ikipe ya Manchester City kuva mu 2024, yatwaye ibikombe 6 bya Premier League, atwara UEFA Champions League 1 ndetse n’ibindi bikombe , mu magambo make yahaye byose Manchester City ku buryo ikemezo cyo kumwiruka cyagorana cyane.
5. Ese ubundi Pep Guardiola agiye ibibazo bya kemuka?, Iyo urebye neza ubona ko ikiragano kitwaye neza kigatwara n’ibi bikombe tuvuga, ubona ko kiri kugana ku musoza hakaba hakenewe amavugurura, akenshi mu mishinga y’amakipe igamije gutwara ibikombe binyuze mu kubaka ikiragano gishya bisaba gushaka n’umutoza mushya nawe uri mu kiragano gishya.
Ingero: Chelsea mu kubaka ikiragano gishya yazanye umutoza nawe w’ikiragano gishya Enzo Maresca, Liverpool (Arne Slot), Bayern Munich(Vincent Kompany), Arsenal(Mikel Arteta).
Imikino Itanu ikipe ya Manchester City izakurikizaho
Leicester City F.C VS Manchester City F.C, 29 Ukuboza, 2024
Manchester City VS West Ham United F.C, 04 Mutarama, 2025
Manchester City VS Salford City F.C, 11 Mutarama, 2025
Brentford F.C VS Manchester City, 14 Mutarama, 2025
Ipswich Town F.C VS Manchester City, 19 Mutarama, 2025