Hatangajwe amafaranga ikipe yifuza Lamine Yamal byibuze ya kwishyura muri 2025 Kugirango imutware
Umunya-Esipanye Lamine Yamal w’imyaka 17 y’amavuko niyongererwa amasezerano muri Barcelona kuva mu mwaka wa 2025 azaba ahagaze igiciro cya Miliyali 1 y’amayero ku makipe yose azamwifuza.
Uyu musore ukiri muto wazamukiye mu irerero(academy) ry’ikipe ya Barcelona “La Masia” amasezerano asanganwe azarangirana na tariki 30 Kamena 2026 , ubu iyi kipe iyobowe n’umukambwe Joan Laporta ikaba iri kurwana n’uburyo yamwongerera amasezerano andi makipe ataramureshya ngo abe yamusinyisha.
Kuri ubu iyi kipe ihanganye n’ibibazo by’ubukungu imaranye igihe ku buryo kongerera amasezerano y’abakinnyi icyarimwe byabagoye cyane byatumye babigendesha gake bamwe muri bo ngenderwaho bakaba banasigaranye igihe gito muri iyi kipe tugendeye ku gihe amasezerano bafitanye na Barcelona nk’abakinnyi bayo azarangirira.
Nk’ubu Pedro González López “Pedri” ndetse na mwene w’abo w’Umunya-Esipanye Pablo Martín Páez Gavira “Gavi” bose amasezerano yabo azangirana na tariki 30 Kamena 2026.
Barcelona itekereza ko mu rwego rwo kubarinda bagomba kubashyiriraho ikizwi nka ‘release Clause’ ziri hejuru akaba ari nayo mpamvu nyamukuru yatumye Lamine Yamal agiye gushyirirwaho amafaranga angana atya ku bazamwifuza.
Lamine Yamal biteganyijwe ko azasiba umukino wa Barcelona wo mu mpera z’iki Cyumweru wa Shampiyona y’umupira w’amaguru muri Esipanye izwi nka LALIGA aho bazaba bakiriwe na ekipe ya Celta Vigo.
kugera ubu, Lamine Yamal ni umwe mu bari gufasha Barcelona bikomeye aho amaze kugira uruhare rw’ibitego 12 mu mikino 12 y’ashampiyona atsinda ibitego 5 atanga n’imipira 7 yavuyemo ibitego(Assist).