Premier League : Hashyizwe hanze abakinnyi n’abatoza bahatanira ibihembo by’Ugushyingo
Abakinnyi umunani baturutse mu makipe atandatu atandukanye nibo bashyizwe ku rutonde rw’abahatana, ni mu gihe kandi bishoboka cyane ko iki gihembo cyakwegukanwa n’umukinnyi mushya ku nshuro ya kane muri uyu mwaka w’imikino nyuma y’aho Chris Wood wa Nottingham forest atagaragaye ku rutonde.
Nuno Espirito Santo utoza Nottingham forest nawe ntiyagaragaye ku rutonde nyuma yo kwegukana iki gihembo mu kwezi gushize.
Urutonde rw’abatowe
- Matheus Cuhna (Wolves)
- Bruno Fernandes (Man Utd)
- Ryan Gravenberch (Liverpool)
- Martin Odegaard (Arsenal)
- Joao Pedro (Brighton)
- Bukayo Saka (Arsenal)
- Mohamed Salah (Liverpool)
- Youane Wissa (Brentford)
Matheus Cuhna ugaragara ku rutonde ayoboye abandi mu kugira uruhare runini mu bitego bitandukanye.Ibi bitangazwa ntibijya kure n’ibigaragazwa n’abasesenguzi kuko bigaragara ko uyu mugabo ukomoka muri Brazil yatsinze ibitego 3 agatanga n’imipira 3 ibivamo mu mikino 4 yonyine, ibintu byafashije ikipe ye kuva ku mwanya wa nyuma.
Bruno Fernandes (Manchester United)
Kuva ubwo Umuholandi Ten Hag, yirukaniwe agasimbuzwa mwenewabo wahoze watakira Manchester united Rud Van Nistelrooy, by’akanya gato uyu yahise afasha Bruno Fernandes kwigaragaza aho yamutsindiye ibitego 2 agatanga n’umupira umwe wavuyemo igitego mu mikino ibiri uyu mugabo yatoje ya shampiyona, sibyo gusa kuko kapiteni Bruno Fernandes byakomeje kumuhira no ku ngoma ya Ruben Amorim aho yaremye uburyo burenga 14 mu kwezi kw’Ugushying
Liverpool ihabwa amahirwe menshi yo gutwara igikombe ihagarariwe n’abakinnyi babiri barimo Ryan Gravenberch, wakiniye ikipe ye iminota yose mu Ugushyingo n’umunya-Misiri Mohamed Salah wagaragje urwego ruri hejuru ubwo yatsindaga ibitego 3, agatanga n’umupira umwe wavuyemo igitego mu mikino itatu gusa.
Kugaruka kwa Kapiteni Martin Odegaard gusa n’ukwarokoye ikipe ya Arsenal yasaga nk’ubwato buri kurohama dore ko kuva ubwo uyu mugabo agarukiye amaze gutsinda igitego kimwe ndetse agatanga n’imipira 2 yavuyemo ibitego, ni mu gihe umusaruro we ugaragazwa neza n’uwa mugenzi we Bukayo Saka, nawe wabashije gutsinda ibitego 2 maze agatanga imipira 3 yabivuyemo.
Ikipe ya Brighton nayo imaze kumenyererwa mu z’imbere nayo yahagarariwe, aho Joao Pedro, ukomoka muri (Brazil) wayifashije cyane muri uku kwezi gushize yabashije gutsinda ibitego 2 ndetse agatanga n’imipira 2 yabivuyemo.
Usoreza abandi bose ni umukongomani Youane Wissa ukinira ikipe ya Brentford. Ntawaba ushidikanyije uvuze ko Brentford yitwaye neza muri uku kwezi gushize ndetse ikaba yarabifashijeemo n’uyu rutahizamu aho yabashije gutsinda ibitego 3 mu mikino yakinnye mu Ugushyingo.
Abatoza bashyizwe ku rutonde
- Arne Slot (Liverpool)
- Fabian Hurzeler (Brighton)
- Gary O’Neil ( Wolves)
Arne Slot aracyashakisha igihembo cye cya mbere cy’ukwezi mu Bwongereza, gusa ibyo ntibibuza ko ari mu bahabwa amahirwe menshi yo kucyegukana aho yabashije gufasha ikipeye ya Liverpool gutsinda imikino yose yakinnye mu kwezi gushize.
Fabian Hurzeler, watwaye igihembo cyo muri Kanama yagarutse ku rutonde.Ikipe ya Brighton yari iya Gatatu ku rutonde ubwo shampiyona yarangiraga ahanini biturutse ku ntsinzi uyu Hurzeler yagizemo uruhare nyuma yo gusimbuza inshuro ebyiri mbere yo kuva inyuma batsinda ikipe ya Manchester city.
Ikipe ya Wolverhampton wanderers yagombaga kuzamuka iva mu zimanuka ndetse iza no kubigeraho ahanini ibifashijwemo na Gary O’Neil. Intsinzi ebyiri ku makipe ya Southampton na Fulham by’umwihariko utibagiwe no ukunganya gukomeye yakoreye kuri Crystal Palace , ibi bikaba byarafashije ikipe ye gushyiramo intera hagati yayo na Southampton ku rutonde rwa shampiyona rw’agateganyo.