Ghana yegukanye umwanya w’umunyamabanga mukuru wa commonwealth

Kuri uyu wa gatandatu tariki ya 26 ukwakira 2024, umuryango wa commonwealth washyize hanze itangazo rivuga ko Shirley Ayorkor Botchwey yagizwe umunyamabanga mukuru mushya w’ibihugu 56 bigize commonwealth yatorewe munama y’abakuru bibihugu na za guverinoma bo muri uyu muryango yabereye mu gihugu cya Samoa.

Biteganywa ko azatangira inshingano yatorewe ku itariki ya 1 Mata 2025, akaba asimbuye uwari uri kuri uwo mwanya Patricia Umunya-Scotland.

Shirley Ayorkor Botchwey akimara guhabwa inshingano, mugushimira no kugaragaza uruhare azagira muri uyu muryango wa commonwealth atowemo nk’umuyobozi, yakoresheje imbuga nkoranyambaga ze agaragaza umunezero afite wo kuba yabaye umunyamabanga mukuru w’uyu muryango, aho yagaragaje ibyo azashyira imbere nko kuzamura urubyiruko, kwimakaza uburinganire na demokarasi, no guteza imbere abaturage batuye ibihugu bigize uyu muryango,mu rwego rwo kuwuteza imbere.

Tugarutse kubigwi n’amateka bya Shirley Ayorkor Botchwey, wavutse mu 1963, yabayeho umunyamakuru ukomeye. ikindi, hagati ya 2013 na 2021, hari inshingano nyinshi yagiye akora nko kuba umudepite mu nteko ishingamategeko ya Ghana, ministri w’ububanyi n’amahanga wungirije, ndetse n’umunyamabanga wa leta, muri minisiteri ishinzwe umutungo kamere w’amazi, ibikorwa n’imiturire muri Ghana. umwanya ariho kugeza ubu, awuriho kuva 2017, nka minisitiri w’ububanyi n’amahanga wa Ghana.

Munama y’abakuru b’ibihugu na za guverinoma mu muryango wa commonwealth isoza, perezida Paul Kagame w’Urwanda nk’uwari uhagarariye uyu muryango imyaka ibiri yose, yasimbuwe na minisitiri w’intebe wa Samoa Afioga Fiame Naomi Mataafa, aho Perezida Pul Kagame yamwifurije ishya n’ihirwe mu nshingano, kandi amwizeza ubufatanye bugamije inyungu z’ibihugu byose bigize uyu muryango.

Perezida Paul Kagame yasoje agira ati” byari iby’icyubahiro ku Rwanda , kuyobora uno muryango kandi niteguye gukomeza gukorera hamwe ku bw’inyungu z’ibihugu byose bigize commonwealth”.