Hamenyekanye byinshi ku iyibwa rya YouTube channel ya Gabiro Guitar
ku mugoroba wo ku wambere taliki 14,Ukwakira 2024, yatangarije abafana be n’abanyarwanda muri rusange ko YouTube channel ye yibwe n’abantu bataramenyekana.
Umuhanzi Gabiro Guitar wenyekanye mu ndirimbo zitandukanye nka “Karolina” yakoranye na Dream Boyz, “igikwe” yakoranye na confy, n’izindi nyinshi, yifashishije urubuga rwe rwa Instagram, Umuhanzi Gabiro Guitar, yatangaje ko yibwe YouTube channel.
Mu ibaruwa yanditse mu rurimi rw’icyongereza, uyu muhanzi yagize ati” bafana bange , ndifuza kubamenyesha ko ku italiki 14, ukwakira 2024, mu masaha yegera saa kumi n’ebyiri, YouTube channel yange yibwe n’abantu tutaramenya. Kubw’amahirwe make ,indirimbo yange “Energy Father” naherukaga gushyira hanze ku itariki 9, Ukwakira 2024, yakuwe ku rubuga rwa YouTube”.
Uyu muhanzi yakomeje yizeza abanyarwanda by’umwihariko abafana be ko bakomeje gukora ibishoboka byose ngo hamenyekane abihishe inyuma y’iyibwa ry’iyi channel. Yanavuze ko Kandi mu gihe yaba asubiranye ububasha ndakumirwa kuri channel ye nkuko bisanzwe, agomba gukomeza kubaha umuziki ubudacogora.
Ku ifoto uyu muhanzi yerekanye ku rubuga rwe rwa Instagram, agaragaza ko abibye iyi channel bahise bayihindurira izina, Aho ubu yitwa “Pay me my money” bisobanura ngo nyishyura amafaranga yange.
Iyi YouTube channel y’uyu musore nkuko bigaragara, yari imaze kugira aba subscribers bagera kubihumbi 35 n’imisago ndetse ikaba yari imaze kugeraho amashusho cyangwa Video 84.