Florentino Perez mu nzira zo kongera kwiyayamariza kuyobora Real Madrid
Umuyobozi mukuru w’ikipe ya Real Madrid Florentino Perez aherutse gufungura ku mugaragaro igikorwa cyo kwiyamamaza mu matora y’umuyobozi w’iyi kipe mu gikorwa cyabaye ku wa Kane, ndetse yaboneyeho ahamagaramo inama nkuru y’ ubuyobozi bw’iyi kipe.
Ubusanzwe amatora agena umuyobozi w’ikipe ya Real Madrid aba buri myaka 4, mu gihe Florentino Perez ataratsindirwa mu matora na rimwe kuva yagaruka muri 2009.
Ibisabwa ngo ube wakwemererwa kuyobora ikipe ya Real Madrid byo birakakaye cyane, dore ko, ugomba kuba umaze byibuze imyaka 20 ubarizwa mu banyamuryango b’ikipe ndetse ukaba ufite ubushobozi bwo kwishingira 15% by’ingengo y’imari iyi kipe ikoreshwa.
Mu itangazo iyi kipe yanyujije ku mbuga nkoranyambaga zayo yagize iti:”Perezida w’ikipe ya Real Madrid, Florentino Perez, yatumijeho inama y’abayobozi bakuru b’ikipe iteganyijwe taliki ya 7 Mutarama 2025, saa 5:30 z’umugoroba, ikaba igomba kwigirwamo uko hatangira urugendo rw’amatora y’abayobozi bakuru b’ikipe bagomba kuyobora mu gihe cy’imyaka 4.” Ibi bikaba byaraye byanditswe mu ijoro ryakeye ryo kuri uyu wa Kane.
Perez wayoboye ikipe ya Real Madrid mu 2000, azwi cyane mu bihe bya “Galactico” mbere yo kwegura mu 2006. Yaje kugaruka mu 2009, maze atorwa ntawe bahanganye ndetse biza no kugenda gutyo muri 2013,2017 na 2021.
Ubwo amatora aheruka mu 2021 byasabye iminsi 13 ngo habe habonetse uwatowe ndetse biza no kurangira Florentino Perez ariwe uyegukanye ku gahigo k’inshuro ya 4 yikurikiranya ibintu bitarakorwa n’undi muyobozo wa Real Madrid.
Perez afatwa nk’uwayoboye ikipe mu bihe bya mbere byayo byiza mu mateka dore ko yayihesheje ibikombe 37, birimo 6, bidasanzwe bya (UEFA champions league), byose byatwawe mu myaka 10, iheruka.