FIFA yateye utwatsi icyemezo cy’ubujurire cyo guhagarika Isiraheli mu mupira wamaguru mu gihe cy’intambara yo muri Gaza
FIFA yongeye gusubika icyemezo ku cyifuzo cya Palesitine cyo guhagarika Isiraheli mu mupira w’amaguru mu gihe ikomeje intambara yo kurwanya Gaza.
Nyuma y’inama yabereye ku cyicaro cyayo i Zurich ku wa kane, Ishyirahamwe mpuzamahanga ry’umupira w’amaguru – FIFA,ndetse akaba ari n’urwego ruyobora umupira w’amaguru ku isi rwavuze ko komite ishinzwe imyitwarire izakomeza gusuzuma ibirego by’ivangura ryashyizwe ahagaragara n’ishyirahamwe ry’umupira w’amaguru muri Palesitine (PFA) kuri Israel.
Mu magambo ye FIFA yagize ati: “Komite ishinzwe imyitwarire ya FIFA izahabwa inshingano zo gutangiza iperereza ku cyaha Israel iregwamo cyo kuvangura cyatanzwe n’ishyirahamwe ry’umupira w’amaguru muri Palesitine.”
“Komite ishinzwe imiyoborere, ubugenzuzi no kubahiriza amategeko muri FIFA izahabwa inshingano zo gukora iperereza – hanyuma igatanga umwanzuro ku kwitabira amarushanwa ya FIFA kwa Isiraheli n’amakipe y’umupira w’amaguru ya Isiraheli .”
Perezida wa FIFA, Gianni Infantino, yavuze ko akanama kari gushyiramo imbaraga kuri iki kibazo kandi ko gakurikiza inama z’impuguke zigenga.Muri Gicurasi, PFA [Palestine Football Association ] yatanze ingingo zishinja Ishyirahamwe ry’umupira w’amaguru muri Isiraheli (IFA) kurenga ku mategeko ya FIFA bijyanye n’intambara yarwanye na Gaza .
Minisiteri y’ubuzima i Gaza ivuga ko ibitero bya Isiraheli hirya no hino muri Gaza kuva mu Kwakira gushize byahitanye abantu barenga 41 ,700 ndetse bikomeretsa abarenga 96,000.Intambara nayo yasize ingaruka zayo kumupira wamaguru na siporo muri rusange .
Nk’uko PFA ibitangaza, guhera muri Kanama, byibuze abakinnyi 410, abayobozi ba siporo cyangwa abatoza bari bishwe mu ntambara. Muri bo, 297 bari umupira w’amaguru, barimo abana 84.Intambara yatumye kandi ikipe yumupira wamaguru wabagabo ya Palesitine ikina imikino yayo kure yiwabo.
