Impuzamashyirahamwe y’umupira w’amaguru ku isi [FIFA] yatangaje ko umukino wa nyuma w’igikombe cy’isi cy’amakipe [clubs] cya 2025 uzabera muri leta ya New Jersey ho ,muri leta zunze ubumwe z’ Amerika.
iyi Sitade yateguriwe kuzakira umukino wanyuma, yafunguwe ku mugaragaro mu mwaka wa 2010 kandi ifite ubushobozi bwo kwakira abarenga 82,500, yanakinweho umukino wanyuma wa Copa America Centenario mu mwaka wa 2016 ubwo Chili yanganyaga na Argentine ya Lionel Messi hakitabazwa za penariti.
Ku munsi wejo ku wa gatandatu nibwo Perezida wa FIFA, Gianni Infantino, yanatangaje ko abakinnyi b’ibihangange bakanyujijeho bazitabira aya amarushanwa yavuguruwe.
Iri rushanwa ryaravuguruwe ndetse mu makipe 32, azagaragaramo hazaba harimo amakipe akomeye aturutse hirya no hino ku isi, iri rushanwa rikaba rizabera muri Amerika kuva ku ya 15 Kamena kugeza ku ya 13 Nyakanga.
Ibibuga 12 byose bizakoreshwa muri iri rushanwa hamwe bibiri gusa muri byo ku nkombe y’Iburengerazuba ,Ibindi bibuga bizakira iyi mikino ni – Stade ya Mercedes-Benz iherereye muri leta ya Atlanta, Sitade ya Banki ya Amerika iherereye muri Charlotte, Stade TQL iri muri Cincinnati , Stade ya Hard Rock iherereye muri leta ya Miami, Parike ya GEODIS muri leta ya Nashville, Sitade y’isi ya Camping yo muri Orlando, Stade ya Inter & Co nayo yo muri Orlando, Lincoln Financial Field yo muri leta ya Philadelphia na Audi Field yo muri leta ya Washington, DC.
Igikombe cyisi cy’amakipe kandi kizagaragaramo amakipe yatsindiye ibikombe muri buri shyirahamwe ry’umugabane ugenzurwa na FIFA ,imikino yo guhatanira irushanwa izaba mu Kuboza, amakipe nka Real Madrid, Manchester City na Bayern Munich ziri mu makipe 12 y’Uburayi atazaca mu majonjora zo hamwe na River Plate yo muri Arijantine na Boca Juniors na Flamengo yo muri Berezile ari mu makipe atandatu yo muri Amerika yepfo.
Iri rushanwa rizafatwa nk’isuzuma ryingenzi mbere y’igikombe cyisi 2026 kandi hazibandwa ku bibazo by’umutekano nyuma y’ibibazo by’abantu benshi mu mikino ya Copa America yo muri Nyakanga byabereye kuri stade i Charlotte na Miami.
FIFPRO n’urwego rw’ibihugu by’i Burayi batanze ikirego gihuriweho na komisiyo y’Uburayi barega FIFA ku bijyanye no kwinjiza amarushanwa mu kirangaminsi cy’imikino mpuzamahanga.Abatavuga rumwe n’aya marushanwa mashya bavuze ko byongera ubukana kuri gahunda isanzwe yuzuye kandi byongera akazi k’abakinnyi.
