Urukiko Rwisumbuye rwa Nyarugenge rwahanishije igifungo cy’imyaka ibiri n’amezi atandatu ndetse n’ihazabu ya miliyoni 1.3 Frw umusangiza w’amashusho (vlogger) Jean-Bosco Sengabo, uzwi cyane ku mbuga nkoranyambaga ku izina rya Fatakumavuta, nyuma yo kumuhamya ibyaha birimo guharabika, gukwirakwiza ibihuha no gukoresha ibiyobyabwenge.
Mu byaha bitanu yari akurikiranyweho, urukiko rwamuhanaguyeho bibiri: ivangura n’icyaha cyo gusuzugura abantu mu ruhame, ruvuga ko nta mugambi mubi ugaragara ndetse ko nta n’ibimenyetso bidahagije bihari.
Urukiko rwasanze amagambo Sengabo yavuze, cyane cyane yerekeye abahanzi nyarwanda nka The Ben na Meddy, yuzuyemo ibihuha no guharabika bigamije kumutesha agaciro. Yari yaranashinjwe ko yagerageje gukura amafaranga kuri The Ben ngo atamwandagaza kurushaho.
Ku birebana n’ikoreshwa ry’ibiyobyabwenge, urukiko rwashingikirije kuri raporo ya Rwanda Forensic Institute (RFI), yagaragaje ko mu mubiri wa Sengabo habonetse ibiyobyabwenge bingana na garama 298. Nubwo yabihakanye akavuga ko atigeze apimwa, urukiko rwatesheje agaciro ibyo yasabaga kuko nta bimenyetso bifatika yabitanzeho.
Ibyaha byose byamuhamye byari bigomba kumuhanishwa imyaka itanu y’igifungo iyo biba byafatwa mu buryo bwuzuye. Ariko urukiko rwagabanyije ibihano ruvuga ko Sengabo yemeye bimwe mu byaha kandi nta yindi dosiye yigeze agira mbere, bityo bifatwa nk’impamvu zigabanya ibihano.
Mu byaha yavaniweho harimo n’ugukwirakwiza ibihuha binyuze ku muyoboro we wa YouTube, aho yashinjwaga gutangaza ko Meddy yabeshye ku bijyanye n’ukuntu yabanye n’umugore we mbere y’ubukwe, ndetse ko The Ben atigeze yishyura inkwano.
Sengabo yatawe muri yombi tariki 18 Ukwakira 2024. Urubanza rwatangiye kuburanishwa ku mugaragaro ku wa 15 Gicurasi 2025, ubushinjacyaha busaba ko yakatirwa igifungo cy’imyaka icyenda n’ihazabu ya miliyoni ebyiri.
Yemerewe kujuranira mu minsi 30 uhereye ku italiki yafatiweho icyemezo.
