Entencelles ivugwamo ubukene buvuza ubuhuha ibujije amanota atatu ikipe ya Apr fc !
Ikipe ya Apr Fc imaze kunganya na ekipe ya Entencelles ubusa ku busa mu mukino wayo wa mbere yakinaga muri shampiyona y’ikiciro cya mbere mu Rwanda nyuma yo gukubuka mu majonjora ya CAF CHAMPIONS LEAGUE ikuwemo na ekipe ya Pyramids yo mu gihugu cya misiri .
Uyu ni umukino waberaga kuri sitade Umuganda iherereye mu karere ka Rubavu mu ntara y’iburengerazuba ,uyu mukino ukaba watangiye ku isaha y’i saa cyenda zuzuye .
Kuruhande rwa APR FC , Umutoza wa APR FC ,umunya- seribiya Darko Novic wari wahigiye gucyura aya manota atatu nkuko yari yabitangaje mu kiganiro n’itangazamakuru yari yagiranye n’abanyamakuru bari baherekeje iyi ikipe ku munsi w’ejo mu karere ka Rubavu .
Aho yagize ati;”Umukino w’ejo ni uwa mbere muri shampiyona, kandi tuwiteguye nk’indi yose twakinnye ,Abakinnyi bose barahari uretse Mugisha Gilbert urimo kwitegura ubukwe bwe naho Abakinnyi banjye ndabazi bihagije, ndabizi neza ko bazatanga byose! “
Novic rero we yari yahisemo kugirira icyizere benshi mu bakinnyi be asanzwe abanzamo ku mikino igiye ikomeye barimo Umuzamu Pavelh Ndzilha , Kapiteni Niyomugabo Claude ,Byiringiro Gilbert ,Nshyimiyimana Yunussu ,Niyigena Clement ,Niyibizi Ramadhan ,Taddeo Luanga ,Seidu , Lamine Bar ,Ruboneka Jean Bosco na rutahizamu Victor Mbaoma Chukuwemeka .
Kurundi ruhande , Urutonde rw’abakinnyi Ikipe ya EtincelleFc yabanjemo mu mukino w’umunsi wa gatanu wa Rwanda Premier League yari yakiriyemo apr fc rwari ruyobowe na n’umuzamu Ssenyondwa ,Abdou , Ndonga ,Yves ,Rutayisire ,Thamac ,Kakule ,Sadjat ,Nizigiyimana ,Ciza na Moro .
Umukino watangiye Ikipe ya Apr fc ikora uko yari ishoboye igasatira izamu rya Entencelles ariko bikarangira amahirwe yabonaga itayabyaje umusaruro ibi byaje gutuma entencelles nayo yikamata itangira kwisanga mu mukino nayo itangira gucishamo igasatira izamu nubwo ntacyo byaje gutanga kuko umukino waje kurangira ari ubusa ku ubusa .
Zimwe mu mpinduka ikipe y’ingabo z’igihugu yagiye ikora kugirango irebe ko yanyeganyeza incundura zirimo aho uwitwa Lamptey winjiye mu kibuga asimbuye umugande Taddeo Luwanga ,Kwitonda Alain Baca asimbura Niyibizi Ramadhan utahiriwe n’umukino, Tuyisenge Arsene asimbura Lamine Bah wagize imvune na
Mamadou Sy winjiye mu kibuga asimbuye Mbaoma .
Entencelles yakunzwe kuvugwamo ibibazo by’amikoro byanateje iyi ikipe gutangira imyitozo imburagihe bijyanye nuko bamwe mu bakinnyi bayo batari bagahawe ibyo bagenerwa mu masezerano ndetse hari hanabaye n’agashya kuko umutoza yagiye ku kibuga ngo atangize imyitozo agasanga nta ni nyoni nimwe iri gutamba usibye n’umukinnyi.
Apr si ubwa mbere yaba itaye amanota ku makipe batangira shampiyona bahura kuko Kimwe nko mu mwaka w’imikino wa 2023/2024, APR FC yatangiye shampiyona ijugunya amanota 2 mu kiyaga cya Kivu aho yari yanganyije na Marines 2-2 ,ahandi byagenze gutya ni mu mwaka w’imikino wa 2019/20, APR FC nabwo yatangiye shampiyona inganya na AS Kigali 1-1, gusa yaje gutwara igikombe irusha Rayon Sports amanota 7.
