Entencelles igiye kuregera Ferwafa nyuma yo kwangirwa igitego mu mukino yaraye itsinzwemo na Rayon Sports
Ikipe ya Etincelles FC yatangaje ko yatangiye inzira zo kwandikira ishyirahamwe ry’umupira w’amaguru mu Rwanda [ FERWAFA] irigaragariza ko yibwe igitego kigaragara cyo ku munota wa 83 cya Sumaila Moro mu mukino yatsinzwemo na Rayon Sports 1-0 ku munsi wejo ku wa Gatandatu .
Ku munota wa 83, Sumaila Moro yatekerezaga ko yaba ateretsemo igitego cyo kwishyura ku ruhande rwa Etincelles FC ariko umusifuzi wari ku ruhande witwa Nsabimana Thierry agaragaza ko yari yaraririye.
Ku munsi wejo nibwo kuri Stade ya Kigali Pele Stadium, habaye umukino w’Umunsi wa Karindwi wa Shampiyona utarabereye igihe hagati ya Rayon Sports na Etincelles FC ,kuko uyu mukino wari uteganijwe kuba ku wa 25 Ukwakira, ariko usubikwa kubera umwiherero w’Amavubi yiteguraga Djibouti mu majonjora ya CHAN 2024.
umukino waje kurangira ari igitego kimwe cya Rayon Sports ku busa bwa entencelles cyaje ku munota wa 65′ ubwo Adama Bagayogo yinjiranye umupira mu rubuga rw’amahina, awuhindura hagati usanga Fall Ngagne uwukozeho gato, ujya mu izamu.
Igitego cya Fall Ngagne cyafashije Rayon Sports gutsinda Etincelles FC 1-0 mu mukino w’Umunsi wa Karindwi wa Shampiyona utarabereye igihe, ifata umwanya wa mbere n’amanota 20. Etincelles FC yo iguma ku mwanya wa 12 n’amanota umunani.
Umutoza wa Rayon Sports, Robertinho yari yahisemo gukinisha: Khadime Ndiaye Omborenga Fitina Bugingo Hakim Nsabimana Aimable Nshimiyimana Emmanuel Kanamugire Roger Ndayishimiye Richard Muhire Kevin (c) Iraguha Hadji Charles Bbaale Fall Ngagne mu gihe abasimbura barimo : Patient, Serumogo, Ganijuru, Bagayogo, Master, Fiston, Elanga, Bassane na Rukundo.
Kurundi ruhande Entencelles y’Umutoza Nzeyimana Mailo nawe yari yahisemo gukoresha abarimo: Denis Sseyondwa Nshimiyimana Abdou Gedeon Ndonga Bivula Nsabimana Hussein Manishimwe Yves Kwizera Aimable Niyonkuru Sadjat Ciza Hussein Joseph Tonyo Sumaila Moro Robert Mukoghotya mu gihe abasimbura barimo: Moise, Awad, Pascal, Tuyishimire Djabil, Prince, Sadjat, Ismail na Rahim.
uyu mukino kandi wasize Rutahizamu Fall Ngagne yujuje ibitego bitatu muri Rwanda Premier League nyuma y’ibyo yatsinze ku mikino ya Bugesera FC na Kiyovu Sports, aranganya na Iraguha Hadji nk’abayoboye abandi mu kunyeganyeza inshundura muri Gikundiro kugeza ubu imaze kwinjiza ibitego 12.