Eduard Gaspard yateye ishoti ibyo yahabwaga na Arsenal ndetse akomeza inzira yo gusohoka muri iyi ikipe !
Ubuyobozi bw’kipe ya Arsenal bwiriwe mu biganiro bigamije guhindura imyumvire y’uwahoze ari umuyobozi wayo w’ibikorwa bya siporo witwa Eduard Gaspard nyuma yuko mu minsi ishize uyu munya – Brazil atangaje ko yeguye ku nshingano ze muri iyi ikipe nyuma y’imyaka isaga itandatu akorera akazi muri iyi ikipe .
Arsenal yarwaniye kubuza umuyobozi wayo wa siporo Edu Gaspard kuva muri iyi kipe gusa ariko basanga uyu umunya Bresilia yiyemeje gutera indi ntambwe mu rugendo rwe mu mupira w’amaguru .
Amakuru dukesha ikinyamakuru Daily mail cyandikirwa mu murwa mukuru w’ubwongereza Londres atangaza ko Arsenal yakoze ibishoka byose ngo itambamire igenda rya Edu Gaspard , ibi birimo no kumuha amasezerano afite agaciro gakabakaba agakubiye mu masezerano ari guhabwa n’umujejetafaranga w’umugereki witwa Evangelos Marinakis uyu akaba nyiri kompani yibitseho urusobe rw’amakipe arimo ikipe ya Nottingham Forest ,Olympiacos na ekipe ya Rio Ave yo muri Portigale .
Iki kinyamakuru kinavuga ko uwitwa Edu Gaspard ngo yishimiye cyane umwanya agiye guhabwa bijyana n’inshingano zo kureberera ibikorwa bya siporo muri aya makipe y’uriya muherwe , binavugwa ko iki cyifuzo cyo kugira uruhare runini mu kugenzura amakipe menshi y’uyu muherwe cyagejejwe kuri Edu Gaspard mu mezi agera kuri ane ashize ndetse ngo kandi amahirwe yo gutera intambwe ye ya mbere yerekeza kuri uyu mwanya yashimishije cyane Edu ku buryo byahise, bituma afata icyemezo cyo kuva muri Arsenal ikubagaho.
Gusa Bamwe mu bareberera iyi ikipe hafi bavuga ko igenda rya Edu Gaspard ryaturutse ku kuba atarazamuwe mu ntera kandi bagenzi be bakoranaga mu myanya y’imitegekere y’iyi ikipe yihebewe n’imitima y’abatari bake barazamuwe ariko Edu we akomeza kugumishwa muri uyu mwanya wo kuyobora ibikorwa bya siporo muri iyi ikipe ngo ndetse ibi byarushijeho kumuzamurira igisa n’umuranduranzuzi ubwo yasabaga ko yazamurirwa umushara akabwirwa ko ibyo asaba bitakunda .
Mu itangazo ryemeza ko yeguye ku gicamunsi cyo kuri uyu wa mbere, Arsenal yashimiye uwahoze ari umukinnyi wo hagati ndetse n’umuyobozi wa siporo muri iyi ikipe ku ruhare yagize mu ishyirwaho ry’ingamba z’umupira w’amaguru zivuguruye zari zigamije guteza imbere iyi kipe.
Edu abacishije ku mbuga nkoranyambaga nawe yagize ati: ‘Iki cyari icyemezo gikomeye cyane gufata. Arsenal yampaye amahirwe yo gukorana nabantu benshi batangaje ndetse byari n’amahirwe yo kuba mu bintu bidasanzwe mu mateka yikipe ,byabaye urugendo rudasanzwe kandi ndashimira Stan, Josh, Tim na Lord Harris ku nkunga bampaye.