EACJ yatangiye kumva ibirego u Rwanda rwarezwemo na RDC
Urukiko rw’Ubutabera rwo muri Afurika y’Iburasirazuba rwatangiye kuburanisha urubanza rwatanzwe na Repubulika Iharanira Demokarasi ya Kongo (RDC) rurega u Rwanda, rushinja ko rwarenze ku busugire bwarwo no kohereza ingabo zo gushyigikira imitwe y’inyeshyamba mu karere k’iburasirazuba bw’iki gihugu.
Uburasirazuba bwa DRC bumaze imyaka budatekanye bitewe nuko imitwe yitwaje intwaro irenga 120 yamaze kuhakambika ndetse imwe muri yo iba irwanira ingufu, ubutaka n’amabuye y’agaciro.
Gusa nubwo havugwa iyi mitwe myinshi muri aka gace ukomeye cyane ni M23 ndetse uyu mutwe , ibihugu birmo guverinoma ya congo hamwe na Amerika n’Ubufaransa ntibyahemye gushinja u Rwanda kuwutera inkunga nubwo guverinoma y’u Rwanda yahakanye aya makuru.
Itangazo ryanyujijwe ku mbuga nkoranyambaga z’uru rukiko ruherereye muri Tanzaniya ryagiraga riti: “DRC irashinja u Rwanda ibikorwa by’ubugizi bwa nabi bivugwa ko binyuranyije n’ubusugire bwayo, ubusugire bw’akarere, umutekano wa politiki n’ubwigenge.”
Today, Court has begun hearing applications arising from a case filed by the government of the Democratic Republic of Congo (DRC) against the government of Rwanda over alleged conflicts in North Kivu. @jumuiya @EA_Bunge pic.twitter.com/Bqm8VSCHEy
— East African Court of Justice (@EACJCourt) September 26, 2024
DRC inavuga ko ibikorwa by’u Rwanda byatumye habaho ihohoterwa rikomeye ry’uburenganzira bwa muntu mu karere ka Kivu y’Amajyaruguru.Ibi bikorwa bibaye nyuma y’umunsi umwe Perezida wa DRC, Felix Tshisekedi asabye ko u Rwanda rwafatirwa ibihano mu Nteko rusange y’umuryango w’abibumbye kubera ko bivugwa ko ishyigikiye M23.
DRC yavuze ko ingabo z’u Rwanda zagize uruhare mu bitero n’ibyaha by’intambara mu burasirazuba. Muri Nyakanga, impuguke z’umuryango w’abibumbye zanegeranije ibimenyetso ko ingabo za guverinoma y’u Rwanda ziri hagati ya 3,000 na 4,000 zoherejwe mu burasirazuba bwa DRC hamwe na M23, bamaze kwigira imbere cyane kuva mu 2021 .
Urukiko rw’ubutabera rwa Afurika y’iburasirazuba, rufite icyicaro i Arusha, muri Tanzaniya, rwashyizweho nk’urukiko rw’akarere hashingiwe ku masezerano yo mu 1999 hagati y’itsinda ry’ibihugu by’Afurika y’iburasirazuba kandi rigamije kuburanisha imanza zituruka muri Kenya, u Burundi, u Rwanda, Uganda na Tanzaniya ikindi kandi uru rukiko rwemejwe na Loni.
Muri uru rubanza, Congo irashaka kuryoza u Rwanda kubera ihohoterwa ririmo ubugizi bwa nabi bwakorewe abaturage no kurenga ku mategeko mpuzamahanga, ndetse rikanatanga indishyi ku bahohotewe n’ibi byaha bivugwa.Umunyamategeko uhagarariye DRC, Elisha Ongoya, yatangarije ibiro ntaramakuru by’Abanyamerika ati: “Twishimiye ko urubanza rwatangiye.”
U Rwanda , rwabajije ububasha bw’urukiko muri uru rubanza ndetse biciye mu mwunganizi warwo, witwa Emile Ntwali, yasabye ko uru rubanza rwasibwa kubera ko urukiko rw’akarere rutakemura ibibazo by’inshinjabyaha.
Ntwali kandi yashinje kandi DRC kuba yarananiwe guhindura zimwe mu nyandiko ziva mu Gifaransa mu Cyongereza ururimi rw’urukiko. Itsinda ry’amategeko rya Kongo ryanasabye ko urukiko kwemererwa gutanga ibimenyetso bishya hamwe n’inyandiko zahinduwe.Perezida w’inteko ishinga amategeko Yohanne Masara yavuze ko urukiko ruzasuzuma ingingo za buri ruhande kandi rugatanga imyanzuro ku nzitizi ku munsi uzakurikiraho.
Urubanza rw’urukiko rwatangiye mu gihe Human Rights Watch yasohoye raporo ishinja ingabo z’u Rwanda na M23 kuba zarashenye inkambi z’abimuwe ndetse n’utundi turere dutuwe cyane muri Goma, mu ntara ya Kivu y’Amajyaruguru. Uyu mujyi kandi ni ihuriro rikuru ry’iburasirazuba bwa DRC, ukaba utuwe n’abantu bagera kuri miliyoni ebyiri ndetse abagera kuri kimwe cya kabiri bimuwe.
Intandaro y’amakimbirane mu burasirazuba bwa DRC ni ihangana ku mabuye y’agaciro, iki Igihugu kandi kibamo bimwe mu bigega binini ku isi by’amabuye n’amabuye y’agaciro adasanzwe ku isi nka cobalt, bifatwa nk’ingenzi muri bateri ya lithium-ion ikoresha ibinyabiziga by’amashanyarazi (EV). Hafi 70 ku ijana by’isi (PDF) itanga cobalt ituruka muri DRC. Coltan, ikoreshwa mubikoresho nka PlayStations na terefone, nayo ni nyinshi muburasirazuba bwa DRC.
