DRC : Abashinwa batatu bafatanywe ubutunzi burimo zahabu n’akayabo k’amadolari

January 6, 2025January 6, 2025 DailyBox

Abayobozi ba DRC batangaje ko abashinwa batatu batawe muri yombi mu burasirazuba bwa Repubulika Iharanira Demokarasi ya Kongo nyuma yo gusanganwa uduce twa zahabu dusaga 12 ndetse n’akayabo k’amadolari 800 ,000 bivugwa ko bigwijeho mu buryo butemewe n’amategeko.

Nk’uko byatangajwe na Jean Jacques Purusi, Guverineri w’intara ya Kivu y’Amajyepfo, ngo zahabu n’amafaranga basanganwe byari bihishe munsi y’intebe z’imodoka aba bashinwa bagendegamo.

Yavuze ko igikorwa cyo guta muri yombi aba bagabo cyakozwe mu ibanga nyuma y’irekurwa ry’irindi tsinda ry’abenegihugu b’Ubushinwa baregwa kuyobora ikirombe cya zahabu mu buryo butemewe n’amategeko muri iki gihugu nanone .

Purusi yavuze ko bamwe muri aba bashinwa bari bafite umubano ukomeye n’abantu bakomeye mu murwa mukuru, Kinshasa banashoboraga kuba intambamyi ku itabwa muri yombi ryabo akaba ari nayo mpamvu nyamukuru yo gufata aba bashinwa ryagizwe ubwiru.

Mu kwezi gushize, uyu Guverineri yabwiye abanyamakuru ko yatunguwe no kumva ko Abashinwa 17, batawe muri yombi bakekwaho kuba baracukuye ikirombe cya zahabu mu buryo butemewe, barekuwe bakemererwa gusubira mu Bushinwa.

Ubu butunzi bw’amabuye y’agaciro bwasahuwe n’imitwe y’amahanga kuva mu gihe cy’ubukoloni kandi ni imwe mu mpamvu nyamukuru zatumye ako karere karangwa n’ihungabana ry’umutekano mu myaka 30 ishize.

Imitwe yitwara gisirikari igenzura byinshi mu birombe byo mu burasirazuba bwa DR Congo kandi abayobozi babo babaye abakire kubera gucukura aya mabuye .

Uburasirazuba bwa DR Congo bufite ububiko bwinshi bwa zahabu, diyama namabuye y’agaciro akoreshwa mu gukora bateri za terefone zigendanwa n’ibinyabiziga by’amashanyarazi.

DRC : Abashinwa batatu bafatanywe ubutunzi burimo zahabu n’akayabo k’amadolari

Ingingo zagarutsweho cyane kuri Daily Box

Leave a Reply Cancel reply