HomePolitics

Dore iby’ingenzi wamenya ku igerageza ryo kwica Trump

Donald Trump wahoze ari perezida wa Amerika yihutanywe ahantu hatekanye ku cyumweru nyuma y’icyo FBI yise kugerageza kumwica ku kibuga cye cya golf mu mujyi wa West Palm Beach muri leta ya Florida.

Byabereye ku kigo Trump International Golf Club i West Palm Beach, mu rugendo rw’iminota 15 uvuye ku rugo rwa Trump rwa Mar-a-Lago. Muri Florida.Umugabo witwaye intwaro yabonywe bwa mbere n’abakozi b’urwego rwa ‘Secret Service’ rurinda perezida wa Amerika n’abahoze ari ba perezida, bari bari gukora isuku mu kibuga bagenda imbere ya Trump ubwo yarimo akina golf.

Aba bakozi ubundi bagenda umwobo umwe imbere ye kugira ngo bagenzure umutekano, nk’uko polisi yabwibwiye abanyamakuru.Ibi bibaye nyuma y’amezi hafi abiri Trump arasiwe muri mitingi i Butler muri Pennysylvania, aho isasu ryamukomerekeje rigahitana umwe mu baje kumushyigikira.

Amakuru arambuye aracyagenda asohoka kuri iki gikorwa gishya no ku ukekwaho kugikora, ibitangazamakuru muri Amerika bivuga ko yitwa Ryan Routh. Ibi ni ibyo tuzi kugeza ubu.Abakozi ba ruriya rwego rwa ‘Secret Service’ barashe amasasu ubwo babonaga aho uwo muntu witwaje intwaro ari.

Uwo ukekwa yataye imbunda ariruka agenda n’imodoka, asiga imbunda n’udukapu tubiri two mu mugongo, ikirahure gikoreshwa ku mbunda mu gupima neza, hamwe n’agakoresho gafata amashusho ka GoPro camera, nkuko Ric Bradshaw abivuga.Byinshi ku mateka y’uyu ukekwa birimo gusohoka buhoro buhoro.

Avugana n’ibinyamakuru muri Amerika, umuhungu wa Ryan Routh witwa Oran, yavuze ko se ari “umubyeyi ukunda kandi wita ku be”.Kikimara kuba no kwemezwa n’abashinzwe ibikorwa byo kumwamamaza, Trump yasohoye itangazo avuga ko “habaye kurasana hafi yanjye, ariko mbere y’uko ibihuha bikwirakwira, ndashaka ko mbere na mbere mwumva ibi: NDATEKANYE KANDI MEZE NEZA”.

Trump yabwiye ibyabaye umunyamakuru Sean Hannity wa Fox News maze na we abisubiramo mu makuru yo ku cyumweru.

iHannity yagze ati: “Bari bari ku mwobo wa gatanu, bari bagiye kugera hafi neza y’umwobo”.

Yongeraho ko Trump yumvise ngo “pop pop, pop pop. Mu masegonda macye, ‘Secret Service’ bamwunamaho, baramukingira”

Oran yabwiye CNN ati: “Ntabwo nzi ibyabaye i Florida, kandi nizeye ko ibintu byaba bitifashe uko birimo kuvugwa, kuko bicye numvise ndumva atari umugabo nzi wakora ikintu cy’ubusazi, cyangwa urugomo”.

BBC Verify yabonye ku mbuga nkoranyambaga konti zihura z’iri zina. Izo konti zerekana ko Routh yagiye ahamagarira abarwanyi bo mu yandi mahanga kujya muri Ukraine kurwana n’ingabo z’Uburusiya.Mu kiganiro n’abanyamakuru cyatanzwe na polisi, umukozi wa FBI witwa Jeffrey Veltri yavuze ko barimo gukora iperereza bafatanyije n’izindi nzego z’umutekano.

Ati: “Twohereje amatsinda akora iperereza, abahanga mu gutegura bombe, no gutabara aho rukomeye, n’abahanga mu gukusanya ibimenyetso”.

Veltri avuga ko “itsinda ryuzuye rya FBI”, irya ‘Secret Service’, na polisi yo muri ako gace bose bahagurutse.

Perezida Joe Biden wa Amerika na Visi-Perezida Kamala Harris – mukeba wa Trump mu matora yimirijwe – batangaje ko bahawe amakuru ku byabaye kandi bishimiye ko Trump atekanye.

Konti ze kandi ziriho ubutumwa bushyigikira Palestina, bushyigikira Taiwan, burwanya Ubushinwa, harimo gushinja Ubushinwa ko Covid-19 “igitero” cya virus mu cyo yise “intambara y’indwara”.

Leave a Reply

Your email address will not be published. Required fields are marked *