Cote d’Ivoire : Perezida Ouattara yirukanye burundu ingabo z’Abafaransa
Igihugu cya Cote d’Ivoire cyatangaje ko abasirikare b’Abafaransa bamaze imyaka ibarirwa muri za mirongo muri Cote d’Ivoire bagiye kuva muri iki gihugu mu gihe cya vuba .
Kuri wa kabiri w’iki cyumweru, itangazo rya Perezida Alassane Ouattara ryagiye ahagaragara ryashimangira amakuru ko iki gihugu cyo mu burengerazuba bw’Afurika cyamaze gucana umubano wa gisirikare n’igihugu cy’ubufaransa cyahoze cyigikoroniza nyuma yuko bigaragaye ingabo z’Ubufaransa na zo zitabaza abacanshuro b’Uburusiya kugira ngo bafashe kurwanya imitwe yitwaje intwaro iri muri kiriya gihugu .
Mu ijambo rye risoza ‘umwaka wa 2024 yagejeje ku gihugu ku ya 31 Ukuboza, Perezida Ouattara yavuze ko guverinoma ya Cote d’Ivoire yafashe icyemezo cyo kwirukana ingabo z’Abafaransa kubera ko ingabo za Cote d’Ivoire kuri ubu zamaze kwiyubaka ndetse Perezida nta zindi mpamvu yatanze.
Abasesenguzi bavuga ko icyemezo cya Ouattara cyo guca umubano wa gisirikare nacyo gishobora kuba gishingiye ku nyungu za politiki, kubera ko Abanya Cote d’Ivoire bitegura kujya mu matora rusange ateganijwe mu Kwakira.
Ouattara uri ku butegetsi kuva mu mwaka wa 2010, ntaravuga niba azashaka manda ya kane muri aya matora gusa bivugwa ko ntakabuza agomba kwiyamamaza.
Dufatiye none kuri tariki ya 3/ Mutarama /2025, ibihugu bitandatu by’Afurika birimo Mali, Burkina Faso, Niger, Tchad, Senegali, na Corte d’Ivoire byahagaritse umubano wa gisirikare n’Ubufaransa.
Mu kwezi gushize , ibihugu bya Tchad na Senegali nabyo byirukanye ingabo z’Abafaransa, ndetse biza byiyongera ku bihugu byinshi byo muri Sahel byari byarabikoze mbere, guhera mu mwaka 2021.