Côte d’Ivoire : abaturage batangiye guhabwa urukingo rwa kabiri rwa Malaria
Kuri uyu wa gatandatu ,igihugu cya Côte d’Ivoire cyakiriye doze ya kabiri y’urukingo rwa Malaria ruzwi nka [R21/Matrix-M] rwakozwe nikigo gikora inkingo cyo mu buhinde ndetse runahita rutangira guterwa abaturage.
Cote d’Ivoire yakiriye doze za mbere z’urukingo rwa malariya rwa kabiri rwakozwe na rumwe mu ruganda runini ku isi mu zikora inkingo rwitwa,Serum Institute of India ku bufatanye na kaminuza ya Oxford, aho bagiye gutangira gahunda nshya yo gukingira mu gihugu hose guhera mu ntangiriro z’iki cyumweru.
Malariya ikomeje kuba ikibazo cy’ubuzima gikomeye cyane muri iki gihugu cya Cote d’Ivoire, aho ihitana abantu bagera kuri bane ku munsi muri iki gihugu gituwe na miliyoni 28 nkuko Raporo yo muri 2022 y’umuryango wita ku ubuzima ku isi (OMS) ibivuga, inakomeza ivuga ko malariya itera impfu zirenga 600,000 ku isi ku mwaka .
Guverinoma yavuze ko doze zingana 656,600 z’urukingo rushya rwa malariya R21/Matrix-M zagejejwe ku nkombe za Cote d’Ivoire, aho abaganga bahise bazabanza gukingira abana 250,000 bafite kuva ku mwana wavutse kugeza ku mezi 23 mu turere 16 turi hirya no hino mu gihugu.
Kuri uyu wa mbere, Porofeseri Adrian Hill, umwarimu wa Lakshmi Mittal mu ishami ryerekeye iby’inkingo akaba n’umuyobozi w’ikigo cya Jenner gikorera muri kaminuza ya Oxford mu Bwongereza, yatangarije itangazamakuru ko izi zasuzumwe mu buryo bwizewe binyuze mu bufatanye n’ikigo cya Serum Institute of India.
Porofeseri Hill yongeyeho ko inkingo nizimara gukwirakwizwa hose muri Cote d’Ivoire, iyi gahunda izimukira mu bindi bihugu bya Afurika, guhera kuri Burkina Faso.
Nk’uko byatangajwe na Gavi, umuryango mpuzamahanga w’ubuzima ukorana na OMS na UNICEF, biteganijwe ko ibihugu 15 bya Afurika bizatera inkingo za malariya muri 2024. Aba bakozi bashinzwe ubuzima barimo gutanga doze ya kabiri y’urukingo rwa malariya izwi nka R21/Matrix-M, urukingo rwa kabiri rwa malariya rwemejwe na OMS mu Kuboza umwaka ushize.
