Chelsea niyo kipe nziza kugeza ubu muri Premier League :Thomas Frank!
kuri uyu wa gatandatu tariki ya 14/ Ukuboza /2024 , Umutoza wa Brentford witwa Thomas frank yatangaje ko ikipe ya chelsea ariyo kipe nziza muri Premier League kugeza ubu .
Enzo Maresca wasimbuye Maurcio Pochetino yahaye intsinzi eshashatu zikurikiranya iyi kipe mu mikino yakinnye mu marushanwa yose mbere yuko ahura na Brentford ya Thomas Frank ku kibuga cya Stamford Brige kuri iki cyumweru .
Chelsea imaze imikino ine ya Premier League idatsindwa iri ku mwanya wa kabiri ku rutonde rw’agateganyo rwa shampiyona y’icyiciro cya mbere mu Bwongereza nyuma y’ikipe ya Liverpool .
Kuri Thomas Frank we yemeza ko bari mu mujyo mwiza wo gutsinda kurusha na Liverpool nubwo Liverpool ibari imbere .
Aho yagize ati : “Bakina umupira udasanzwe kandi batozwa neza. Maresca ,ikipe bafatanya gutoza , abakozi ba Chelsea bakoze akazi keza kugeza ubu kandi bigaragara ko ari kipe buri umwe wese yatinya guhura nayo kubera uburyo ityayemo.”
Kuri uyu wa kane, Chelsea yatsinze ikipe ya Astana,  ibitego 3-1 muri Europa Conference League  byaje bikurikirana n’ibitego 4-3 iyi kipe yinjije muri Premier League  ubwo yatsinda ikipe ya Tottenham naho binatuma iyi kipe ya Maresca yandika ibitego 15 mu mikino ine ishize mu marushanwa yose yakinnye.
Iyi kipe ya Brentford igiye kwakirwa na Chelsea iri ku mwanya wa cyenda nyuma yo gutsinda Newcastle 4-2 mu mpera z’icyumweru gishize.