Byatangajwe niba Kylian Mbappé azakina umukino Real Madrid ifite mu mpera z’iki Cyumweru
Ikipe ya Real Madrid igomba gukina umukino wa shampiyona muri izi mpera z’icyumweru idafite abakinnyi batanu bayobowe n’Umufaransa Kylian Mbappé wagize ikibazo cy’imvune ku mukino wa UEFA Champions League batsinzemo ikipe ya Atalanta yo mu gihugu cy’Ubutaliya ibitego bitatu kuri bibiri (3-2).
Usibye Kylian Mbappé ufite amahirwe menshi yo kudakina uyu mukino wa shampiyona bazakinamo na Rayo Vallecano , abarimo Umufaransa Eduardo Camavinga wavunikiye ku mukino wa UEFA Champions League bakiriwemo na Liverpool , David Alaba ukongeraho Éder Militão na Dani Carvajal bavunitse ku gera uyu mwaka w’imikino urangiye ntibazagaragara.
Real Madrid ntago yagize intangiriro nziza zu mwaka w’imikino gusa gake gake yagiye igaruka byumwihariko nyuma y’uko Barcelona yagiye itakaza imikino muri shampiyona mu buryo budasobanutse.
Gusa kuri uyu mukino Vinicius Junior azaba ahari nyuma yo kugaruka ku mukino wa Atalanta , dore ko nawe yari amaze iminsi afite ibibazo by’imvune byanatumye atagaragara no mu mikino yabanje.[ Vinicius Junior amaze gutsinda ibitego 5 mu mikino 5 ya UEFA Champions League muri uyu mwaka w’imikino , n’ibitego 8 muri shampiyona].
Real Madrid iri mu ntambara na Barcelona yo gufata umwanya wa mbere aho ubu Barcelona iri ku mwanya wa mbere na amanota 38 , Madrid ikagira 36, gusa iyi kipe y’umutoza Dr. Carlo Ancelotti ifite umukino w’ikirarane wa Valencia CF.