Home

Bukayo yavuze uwabona uzatwara Premier League muri uyu mwaka w’imikino

Mababa w’ikipe ya Arsenal Umwongereza Bukayo Saka yatangaje ko uyu mwaka ari uwabo ku buryo bazegumana premier League!

Ibi yabitangaje nyuma y’umukino wa UEFA Champions League batsinzemo ikipe ya Paris Saint-Germain ibitego bibiri ku busa(2-0) harimo igitego yanatsinze ku munota wa 35′ cyaje gisanga icyo Kai Havertz yari yatsinze ku munota wa 20′ ukaba umukino wabereye kuri Emirates Stadium mu gihugu cy’Ubwongereza.

Bukayo Saka yagize ati (igihe yabazwaga ibyo kuba Arsenal yatwara premier League)” ntago nshaka gushyira igitutu kuri twe ariko ndatekereza uyu mwaka yego”.

Yakomeje agira Ati “twari twagerageje gutwara igikombe mu myaka ibiri iheruka nubu turi hafi ubwo rero ndatekereza igikombe kirashoboka muri uyu mwaka”.

Arsenal muri uyu mwaka w’imikino muri Premier League yatangiye neza dore ko itaratakaza umukino numwe aho mu mikino 6 imaze gutsindamo imikino 4 banganya imikino 2 . Iyi kipe y’umunya-Esipanye Mikel Arteta kandi imaze kwinjiza ibitego 12 yinjizwe 5 ikaba izigamye ibitego 7 ikaba ifite amanota 14 ku mwanya wa gatatu.

Ni mu gihe uyu Munya-Nigeria ukinira ikipe y’Igihugu y’Abongereza widoga ko Arsenal izatwara Premier League ya 2024-2025 ari mu bari kubafasha aho amaze kugira uruhare rw’ibitego 6 mu mikino 6 y’Ashampiyona atsinda igitego kimwe anatanga imipira itanu yavuyemo ibitego.

Arsenal izagaruka mu kibuga muri shampiyona kuri uyu wa gatandatu tariki ya 05 Ukwakira 2024 ikina n’ikipe ya Southampton mu rugo.

Leave a Reply

Your email address will not be published. Required fields are marked *