Brian Kagame yasoje amasomo ye ya gisirikare
Umwana wa Perezida Paul Kagame witwa Brian Kagame yateye ikirenge mu cya mukuru we Ian Kagame nyuma yo gushyira iherezo ku masomo ye ya gisirikare yarimo akurikiranira mu mu ishuri ryo mu Bwongereza rya Royal Military Academy Sandhurst .
Brian Kagame usanzwe ari bucura bwa Perezida Kagame yasoreje aya masomo muri kaminuza yigisha amasomo ya gisirikare iri muri zimwe mu zikomeye muri kiriya gihugu no ku isi muri rusange kuko yagiye icamo bimwe mu bikomerezwa nk’umwami w’Ubwongereza witwa Charles III .
Abicishije ku rukuta rwe rwa X yahoze yitwa Tweeter , mu masaha akuze yo ku munsi wejo wo ku gatanu Ambasaderi w’u Rwanda muri iki Gihugu witwa Johnston Busingye yifurije kuzagira ishya ndetse no guhirwa Brain Kagame wasoje amasomo ye .
Aho yagize ati : “Ibirori binogeye ijisho by’akarasisi ko kurangiza amasomo muri Royal Sandhurst Military Academy, mu Bwongereza uyu munsi. Ndagushimiye Ofisiye muto Brian Kagame. Igihugu gitewe ishema nawe. Turakwifuriza ibyiza gusa.”
A colourful Sovereign's graduation parade at the Royal Sandhurst Military Academy, UK, today.
— Busingye Johnston (@BusingyeJohns) December 13, 2024
Congratulations, Officer Cadet Brian Kagame. The country is proud of you. Our very best wishes. pic.twitter.com/HWFqqDkPwW
Ibi birori kandi byo gusoza kwa Brian byanitabiriwe na mama we Madamu Jeannette Kagame ndetse n’abandi bavandimwe be bavukana mu nda barimo Brian Kagame, Yvan Cyomoro Kagame na Ian Kagame we wasoje muri iri shuri mu myaka ibiri itambutse kuko yasoje muri Kanama 2022 .
Si Charles III gusa ukomeye wasoje muri iri shuri kuko , ryanaciyemo abahungu be bombi Prince William , Prince Harry na Muammar Muhammad Abu Minyar al-Gaddafi wigeze kuyoboraho igihugu cya Libya .