BREAKING NEWS: Umurungi Sabin wa Isimbi TV yagarutse mu biganiro nyuma y’ibibazo by’uburwayi yari amaranye igihe
Umunyamakuru Umurungi Sabin warumaze iminsi atagaragara mu biganiro kubera ikibazo cy’uburwayi yamaze kugaruka mu kazi aho yashyize ikiganiro kuri sheneye ya Youtube ariyo Isimbi Tv agaragaza ko ameze neza.
Mu minsi ishize nibwo Umunyamakuru uzwi cyane mu Rwanda ku rubuga rwa Youtube ndetse akaba n’umushoramari mu itangazamakuru Umurungi Sabin abicishije kumbuga ze yatangaje ko abaye ahagaritse gukora ibiganiro by’igihe gito kubera ikibazo by’uburwayi atigeze asobanura neza.
Gusa hagiye hajya hanze videwo zigaragaza uko yarwaye (yavunitse) nubwo ntagihamya kibigaragaza ko ariko byagenze dore ko nyirubwite atigeze abihamya, dore ko muri icyo gihe hari byinshi ku mbuga nkoranyambaga bitari bifitiwe gihamya.
Kuri uyu wa 19 Ukwakira 2024, nibwo yashyizeho icyo kiganiro agamije kubwira abakunzi be ko ameze neza, ndetse yagikoze agaragara kuri Camera bitari bisanzwe kuri uyu munyamakuru uri mu bakomeye mu Rwanda.
Muri cyo kiganiro byumwihariko yashimye Imana ndetse byumwihariko umugore we bamaze imyaka itandatu babana bakaba bamaze imyaka 11 bakundana ndetse yashimye abakurikira shene ye ya Youtube Isimbi Tv ababwira ko agiye kubaha ibyiza kurushaho birimo ibiganiro bijyanye no kwiteza imbere, amahirwe ari hirya no hino n’ibindi.
Yakomeje avuga ko kuri shene ye ya Isimbi Tv hatazigera hagaragara ibintu bisenya abandi ndetse n’ikindi icyari cyo cyose kitari kiza.
Umurundi Sabin numwe mubafite youtube Channel ikomeye dore ko akurikiranwa n’abarenga 1.21M, iyi shene akaba yarayitangiye mu mwaka wa 2018 nyuma yo gusezera mu kinyamakuru IGIHE.COM yakoragamo nk’umujozi wa amakuru (Chief Editor).
