Beni : ingabo zigera kuri 132 za MONUSCO zambitswe imidali y’ishimwe
Kuri uyu wa gatatu , ingabo 132 zaturutse mu mutwe w’Afurika yepfo wa MONUSCO ufite icyicaro i Beni, mu majyaruguru ya Kivu zahawe imidali y’ishimwe kubw’uruhare rwabo mu gushakisha ibisubizo by’amahoro no kurengera abaturage muri Repubulika Iharanira Demokarasi ya Kongo.
Uyu wari muhango wari uyobowe na Jenerali Majoro Khar Diouf, Umuyobozi wungirije w’ingabo za MONUSCO, wunamiye ingabo z’amahoro zaburiye ubuzima muri DRC mu gihe bari mu nshingano zabo.
Jacques Manoku, umuyobozi w’akarere ka Matembo muri komini ya Mulekera i Beni, na we yari yitabiriye ibi birori ,yashimye ubwitange n’ubutwari by’abasirikare bo muri Afurika y’Epfo mu gusohoza ubutumwa bwabo hasi.
Yanibukije ko mu mezi make ashize, abaturanyi ba Matembo ari bo bagabweho ibitero n’inyeshyamba zo mu mutwe w’ingabo ziharanira demokarasi za (ADF),Bitewe n’ingamba zihuriweho n’ingabo z’amahoro zo muri Afurika yepfo n’ingabo za DRC (FARDC), umutekano wifashe neza buhoro buhoro, bituma abaturage basubira mu buzima busanzwe.
Jacques Manoku yagize ati: “Iyi midari irakwiriye.” Yashimangiye ko imirimo y’abasirikare yemereye abahinzi gusubira mu mirima yabo mu mahoro, ibyo bikaba bitandukanye cyane n’ibihe biherutse kuba aho inyeshyamba za ADF zitumaga abaturage bagoheka.
Ingabo z’amahoro zo muri Afurika yepfo zihora zitegura amarondo nijoro ku bufatanye na FARDC, bityo bishimangira umutekano mu baturage b’aka karere.