Barcelona yegukanye Super Cup yongeye kwandagaza bikomeye Real Madrid
Mu ijoro ryakeye ikipe ya Fc Barcelona yatsinze ikipe ya Real Madrid ibitego 5-2 mu mukino wanyuma w’igikombe cyiruta ibindi muri Espagne [ Spanish Super Cup] wabereye kuri sitade yitwa King Abdullah Sports City Complex ,iherereye mu mujyi wa Jeddah, muri Arabiya Sawudite.
Uyu ni umukino wasifuwe n’umunya- Esipanye witwa Jesus Gil ubwo waherukaga kuba uhuje aya makipe y’ibihangange byo muri Espagne Real Madrid ikunze kwitwa Los Blancos yabatijwe ibitego 4-0 na Barcelona ubwo yari ku kibuga cyayo cyitiriwe umunyabigwi wayo witwa Santiago Bernabeu.
Real Madrid itozwa na Carlo Anceloti yari yahisemo kubanzamo abarimo : Thibault Courtois (Umuzamu), Lucas Vazquez (captain), Aurelien Tchouameni, Antonio Rudiger, Ferland Mendy, Federico Valverde, Eduardo Camavinga, Rodrygo, Jude Bellingham, Vinicius Junior na Kylian Mbappe.
Mu gihe ikipe ya Barcelona yo yabanjemo : Wojciech Szczesny (umuzamu ), Alejandro Balde, Inigo Martinez, Pau Cubarsi, Jules Kounde, Pedri, Marc Casado, Gavi, Raphinha, Robert Lewandowski na Lamine Yamal.
Ikipe ya Real Madrid niyo yafunguye amazamu ku munota wa 5’ gusa nyuma yahoo vinicius jr ahaye Mbappe umupira mwiza hanyuma mbappe akiruka agana mu izamu rya Barcelona hanyuma asa nk’utirisha ba myugariro rimwe ahita ashota mu izamu igitego cya mbere gihita cyinjira .
Nyuma yo gufungura kw’amazamu kwa Mbappe , ikipe ya Real Madrid yahahuye n’uruvagusenya kuko ,abarimo Lamine Yamal yahise atsinda igitego cyo kunganya maze Robert Lewandowski aterekamo igitego cya kabiri kuri Barcelona cya penaliti, Raphinha atsinda icya gatatu n’umutwe naho Alejandro Balde aterekamo icya kane nanone uwitwa Raphael Dias Belloli, bakunze kwitwa Raphinha wari inyenyeri muri uyu mukino araza aterekamo agashyinguracumu .
Igitego cya Real Madrid cya kabiri cyaje nyuma y’ikosa uwitwa Szczesny yakoreye Mbappe hanyuma bagatanga coup – Franc maze uwitwa Rodrygo Goes ayitera neza ku buryo uwitwa Inaki Pena wari umaze kwinjira mu kibuga atamenye aho umupira uciye .
What a way to start 2025! 😁 pic.twitter.com/u7fmyuLAqx
— FC Barcelona (@FCBarcelona) January 13, 2025
Ikipe ya Barcelona ihita yeguka igikombe cyayo cya mbere iri mu maboko y’umutoza w’umudage witwa Hans Flick mugihe kandi yanegukanaga Super cup yayo ya 15 mu mateka yayo .