Barcelona yasabye ikintu gikomeye Lamine Yamal nyuma yo gutsindwa atarimo
Umunya-Esipanye Lamine Yamal ashobora kutajya gufasha ikipe ye y’igihugu mu mikino ifite kubera ibibazo by’imvune.
Mu mukino w’umunsi wa 13 ikipe ya Barcelona iherutse gutakaza imbere ya Real Sociedad uyu Munya-Esipanye ntiyigeze awugaragaramo nawo kubera ibibazo by’imvune.
Ibi biri no mu byatumye Barcelona itakaza uyu mukino ku gitego kimwe ku busa(1-0), dore ko wari ubaye umukino wa kabiri batakaje muri uyu mwaka w’imikino igihe Lamine Yamal atabanje muri 11.
Barcelona yasabye uyu musore kutitabira ubutumire bw’ikipe y’igihugu mu mikino ibiri Esipanye bafitanye n’ikipe y’igihugu ya Denmark ndetse na Switzerland hakaba mu mikino ya UEFA Nations League .
Lamine Yamal muri uyu mwaka w’imikino amaze gukinira Barcelona byibuze imikino 12 ayitsindira ibitego 5 atanga n’imipira 7 yavuyemo ibitego muri shampiyona gusa.
Ni mu gihe muri UEFA Champions League amaze gukinira Barcelona imikino 4 ayitsindira igitego 1 atanga n’umupira 1 wavuyemo igitego.
Ibi byahaye Barcelona imahirwe yo kuba kuri ubu iyoboye shampiyona na amanota 33 imbere ya Real Madrid.