Barcelona iri kwifuza Christopher Nkunku utishimye muri Chelsea

• X
• Facebook
• Instagram
• WhatsApp

Ikipe ya Barcelona iri kwifuza gusinyisha mu kwezi kwa mbere mu mwaka wa 2025 umwataka w’umufaransa ukinira ikipe ya Chelsea witwa Christopher Nkunku nyuma yuko hari hamaze iminsi hacicikana amakuru avuga ko Nkunku atishimye muri iyi kipe nyuma yo kubura umwanya uhagije wo gukina muri uyu mwaka w’imikino .

Nkunku w’imyaka 27 amaze iminsi avugwa mu bitangazamakuru ko ashobora kuzava muri iyi kipe ikinira kuri sitade ya Stamford Bridge nyuma yuko yagiye abura umwanya uhagije wo gukina muri iyi kipe itozwa na Enzo Maresca .

Nkunku yabanje mu kibuga inshuro ebyiri zonyine mu mikino ya shampiyona iyi kipe chelsea iri ku mwanya wa kabiri ku rutonde rwa shampiyona n’amanota ane inyuma ya Liverpool yakinnye ndetse Nkunku akaba yaratsinze ibitego bibiri muri iyi shampiyona .

Nubwo umutoza wa Chelsea witwa Enzo Maresca yagiye ashyira ku ruhande uyu mufaransa ndetse akamukinisha muri bikombe nka  UEFA Conference League na Carabao gusa ; Nkunku amaze kwinjiza ibitego icumi wenyine muri uyu mwaka w’imikino .

Nk’uko ibinyamakuru nka Sport 45 ndetse n’ishami rya siporo ry’ikinyamakuru cyitwa Daily Mail bibitangaza ngo uyu mufaransa yatangiye kurambirwa no gukina iminota mike muri iyi kipe yo mu burengerazuba bw’umurwa mukuru w’ubwongereza wa  Londres .

Aya makuru akomeza yemeza ko uhagarariye inyungu za Christopher Nkunku witwa  Pini Zahavi yamaze kuba yakira ubusabe bw’abashinzwe gushakira abakinnyi ikipe ya Barcelona inayoboye urutonde rwa shampiyona yo muri Esipanye , nubwo iyi kipe iherereye mu ntara ya Katalonya yo ivuga ko ititeguye guhita yishyura amafaranga yose ahubwo ko bazagenda bayishyura mu byiciro hanyuma igihe ntarengwa cyikazaba mu mpeshyi ya 2025 .

Uyu mufaransa yasinyanye n’ikipe ya chelsea mu Ukuboza kwa 2022 kuyibera umukinnyi kuri miliyoni 53 z’ama -Euro gusa banemeranya ko yari buzajye kuyikinira mu mpeshyi ya 2023 .

Uyu mutoza w’Umutaliyani witwa Maresca yasimbuye Pochettino muri Kamena, ubwo yazaga yahisemo gukoresha Nicolas Jackson ku mwanya wa rutahizamu aho gukoresha Nkunku.

Uyu mufaransa ashobora kandi gukina nk’umukinnyi ukina inyuma y’umwataka , ariko Cole Palmer nk’umukinnyi w’inyenyeri wa Chelsea ntago kuri ubu bishoboka ko yasimbuzwa .

Uko rutonde rwa Shampiyona y’ubwongereza [Premier League ] ruhagaze kugeza ku munsi wa cumi na karindwi w’umikino  

Umwanya	Ikipe	Pl	GD	Pts
1	Liverpool	16	+21	39
2	Chelsea	17	+18	35
3	Arsenal	17	+18	33
4	Nott’m Forest	17	+4	31
5	Bournemouth	17	+6	28
6	Aston Villa	17	0	28
7	Man City	17	+4	27
8	Newcastle	17	+6	26
9	Fulham	17	+2	25
10	Brighton	17	+1	25
11	Spurs	17	+14	23
12	Brentford	17	0	23
13	Man Utd	17	-1	22
14	West Ham	17	-8	20
15	Everton	16	-7	16
16	Crystal Palace	17	-8	16
17	Leicester	17	-16	14
18	Wolves	17	-13	12
19	Ipswich	17	-16	12
20	Southampton	17	-25	6

DAILY BOX REPORTS