Mikel Arteta yavuze ku mvune ya Calafiori yagize akaba ashobora kudakina umukino wa Liverpool
Riccardo Calafiori yagize imvune ishobora gutuma adakina umukino wa Arsenal na Liverpool uteganyijwe kuri iki cyumweru tariki ya 27 Ukwakira 2024.
Hari mu mukino ikipe y’umutoza Mikel Arteta “Arsenal” yari yakiriye mo ikipe ya FC Shakhtar Donetsk yo muri Ukraine kuri Emirates Stadium.
Ukaba umukino wa gatatu wa UEFA Champions League kuri iyi kipe yo mu gihugu cy’Ubwongereza yari igiye gukina, byarangiye banatsinze igitego kimwe ku busa(1-0) cyo ku munota wa 29′ kitsinzwe n’umuza wiyi kipe Dmytro Riznyk.
Muri uwo mu kino Umutaliyani Riccardo Calafiori yagiriyemo ikibazo k’imvune bituma ava mu kibuga utarangiye asimburwa na Myles Lewis-Skelly ku munota wa 72′ bishobora gutuma adakina umukino wa Liverpool wo kuri iki cyumweru, ukazaba ari umukino w’umunsi wa cyenda w’ashampiyona y’igihugu y’Abongereza “Premier League.”
Ibi byaba ari ikibazo cy’ingutu kuko kuri ubu abandi bakinnyi bahari bakina kuri uyu mwanya ni mbarwa n’abahari bamaze iminsi batitwara neza.
Abo ni Oleksandr Zinchenko Umunya-Ukraine ndetse n’Umunya-Poland Jakub Kiwior witwaye nabi ku mukino uheruka wa Arsenal w’ashampiyona batsinzwemo na A.F.C. Bournemouth.
Kuri ubu abandi bakinnyi bakina kuri uyu mwanya badahari ni Takehiro Tomiyasu Umuyapani ndetse na Jurrien Timber Umuhorandi.
“Riccardo Calafiori yavuye mu kibuga kuko yumvaga atamerewe neza, gusa sindamenya byinshi ku mvune ye gusa si amakuru meza.” Mikel Arteta umutoza w’ikipe ya Arsenal.
Umukino wa Arsenal na Liverpool uteganyijwe kuri iki cyumweru tariki 27 Ukwakira 2024, ukazabera i Emirates.