Arsenal vs Tottenham : Ibyo kwitega muri deribi y’umujyi wa London
Umukino uhuza Arsenal na Tottenham Hotspur ni umukino uzwimo ihangana rikomeye cyane dore ko ufatwa nk’ihangana rihuza amakipe ahurira mu mujyi umwe wa London ,umurwa mukuru w’ubwongereza.
Ugendeye ku guhangana kuba kuri muri uyu mukino haba mu kibuga mu bakinnyi, ndetse no hanze yacyo mu batoza, biragoranye ko umukino warangira nta makarita menshi atanzwe cyangwa se ngo ukurikirwe n’ibihano bikomeye.
Uyu munsi twaguteguriye inkuru ivuga kuri bimwe byagiye biranga uyu mukino uhuruza imbaga ndetse turebere hamwe n’abakinnyi bo kwitegwa mu bagomba kugaragara muri uyu mukino.
Umukino wa Arsenal na Tottenham ni umukino uba udasanzwe ndetse akenshi usiga amateka akomeye cyane ari nayo mpamvu dushishikariza abakunzi ba ruhago kudacikwa nawo dore ko uteganyijwe kuri uyu wa Gatatu ku munsi wa 15 Mutarama 2025, ku kibuga cya Emirates.
Dusubire inyuma mu mateka
Ikipe ya Arsenal nimwe mu zahabwaga amahirwe yo kuba zaregukanye igikombe cya shampiyona mu myaka ibiri ishize, gusa ntibyayikundira dore ko ikipe ya Manchester city itabaga iboroheye muri icyo gihe cyose.
Ibintu bidatandukanye cyane n’ubu dore ko muri uyu mwaka nabwo iyi kipe igisunikiriza ishaka uburyo yajya imbere y’ikipe ya Liverpool ngo nayo iyobore urutonde rw’agateganyo rwa shampiyona.
Urebye mu mikino ishize yose ikipe ya Arteta, yagerageje kujya hejuru nubwo akenshi intsinzi yabonaga zabaga zigoranye cyane, ibintu bidatundukanye cyane n’ibyo tugomba kwitega kuwa Gatatu.
Uyu uraba ari umukino w’ingenzi ku mutoza Ange Postecoglou, w’ikipe ya Tottenham, ahanini bishingirwa ko ari wo mukino wa mbere wa shampiyona nyuma yo kutumvikana n’abafana ku bitekerezo byabo, ahanini bamushinja kuba ikipe ye isatira mu buryo bujagaraye bigasiga ubwirinzi bwayo buri hasi cyane, ibintu abafana bijujutira bavuga ko bikomeje gushyira ikipe yabo habi, gusa nta minsi myinshi ishize uyu mugabo akuyemo ikipe ya Liverpool mu gikombe cya (Carabao) intsinzi yagaruriye bamwe mu bafana icyizere.
Amakuru aturuka imbere mu makipe yombi
” Ndishimye cyane, nari mbizi ko ari umukino w’ishiraniro “Deribi” gusa iki ngenzi kandi dushima ni uko twatsinze.Bisobanuye byinshi ku ikipe kuko twagize bimwe mu bihe bikomeye mu mukino ndetse tuza no kubona igitego kuri koruneri ni byiza cyane,” amagambo ya myugariro Gabriel Magalhaes nyuma yo gutsinda igitego kimwe rukumbi cyahaye ikipe ya Arsenal intsinzi.
” Ndacyeka ko deribi uba ari umukino utandukanye n’indi akenshi wahita unabibona muri uyu mukino ni amakipe atuye ahantu hamwe abakunzi bayo n’abantu bahorana rero urumva ko ari umukino uba urimo ihangana rikomeye kurusha iyindi,” amagambo y’umutoza Ange Postecoglou, kuri uyu mukino.
“sinkunda gutekereza, yewe nuko nta n’amahitamo gutekereza ndabyanga, hari abakinnyi baba bifuza gutsinda kurusha abandi ndetse biteguye neza mu mitekerereze y’umukino, yego ikipe yanjye yasubizaga neza ibitero bya Tottenham kuko, mwabibonye ko Tottenham iba mbi cyane uko igenda yegera urubuga rw’amahina rw’uwo bahanganye,” amagambo ya Mikel Arteta utoza ikipe ya Arsenal.
Bamwe mu bakinnyi bo kwitega muri uyu mukino
🖊️🖊️Gabriel Magalhaes,Arsenal 🖊️🖊️
Uyu mugabo ukomoka mu gihugu cya Brazil niwe wahesheje ikipe ya Arsenal intsinzi mu mukino uheruka nyuma y’igitego cy’umutwe cyiza cyane yatsinze. Ukurikije uko Arsenal ikunze kubona imipira y’imiterekano birashoboka cyane ko yatanga ikinyuranyo muri uyu mukino.
🖊️🖊️James Madison, Tottenham Hotspur🖊️🖊️
Niba Koko ikipe ya Tottenham yifuza gukorera ibitangaza ku kibuga Emirates, cya Arsenal, birasaba ko abakinnyi bayo bo mu busatirizi baba bari mu bihe byabo byiza. Binyuze kuri Madison wahoze mu ikipe ya Leicester city birashoboka cyane ko Arsenal yaza kuza kugorwa cyane.
🖊️🖊️Thomas Partey,Arsenal🖊️🖊️
Birashoboka cyane ko Partey ukubutse mu mvune ashobora kuza kwigaragaza neza mu mukino, ndetse biteganyijwe ko azaba akina ku ruhande inyuma ahanini bitewe n’ibura rya myugariro Ben White, wavunitse.
🖊️🖊️Son Heung- Min, Tottenham Hotspur 🖊️🖊️
Nyuma y’igenda rya kapiteni w’Abongereza Harry Jacob Kane, yerekeza mu Budage mu ikipe ya Bayern Munich, uyu niwe wasigaye yitezweho amahirwe menshi gusa ibintu ntibimumereye neza dore ko atari kwitwara nkuko we abtifuza. Byitezwe ko ingufu ze zishobora kugarukira mu mukino wa deribi dore ko ibyo bitaba ari n’ubwa mbere bibaye.
Uko amakipe yatsindanye mu mikino iheruka kubahuza
Kuva muri 1896,aya makipe amaze guhura inshuro 210,zitandukanye mu mikino yose ndetse ikipe ya Arsenal, ikaba yaratsinzemo imikino 88, mu gihe iya Tottenham, yo yatsinze imikino 67, ni mugihe amakipe yombi yanganyije inshuro 55.
Aya makipe yaherukaga guhura muri Nzeli, 2025, umukino warangiye ku ntsinzi y’igitego kimwe cya Arsenal, yari yasuye. Ikipe ya Arsenal, ntiratsindwa mu mikino itanu iheruka kuyihuza n’umukeba wayo Tottenham Hotspur, ndetse ikaba ifite n’intsinzi 4, mu mikino 5, iheruka.
DAILY BOX REPORTS
Ingingo zashakishijwe cyane kuri Daily Box
Abadepite ADF Arne slot Arsenal As Kigali Barcelona Cristiano Ronaldo DRC Emirates Ethiopia FA Cup FARDC Gakenke Gaza Igihe Israel Jimmy Carter Juventus Kamikazee Kenya Leicester city LIverpool M23 Manchester united Man City Messi Mexico Miss jolly Miss Noamie Muhanga Polisi Premier League Rashford Real Madrid RPPA Russia Rwanda Trent Arnold Tunisia Ukraine Umuseke USA Vlahovic Zimbabwe Zirkzee