CECAFA yahumuye APR FC irigukora imyitozo nkiyitegura gutwara igikombe !
Muri iki gitondo ikipe ya Apr fc yatangiye gukora imyitozo na bamwe mu bakinnyi bayo bashya yaguze kuri sitade ikirenga i Shyorongi yitegura kwerekeza muri Tanzania aho izaba igiye kwitabira irushanwa rya CECAFA KAGAME CUP 2024.
Ikipe y’ingabo z’igihugu yatangiye imyitozo mbere yuko berekeza muri CECAFAKAGAMECUP2024 muri iki gitondo cyo kuri uyu wa mbere taliki 08 Nyakanga ,iyi ikipe biteganijwe izagufata rutemikirere yerekeza mu gihugu cya Tanzania ku munsi wejo igiye kwitabira iri rushanwa .
Apr fc irikumwe n’umutoza wayo mushya baherutse gusinyisha ukomoka mu gihugu cya Serbia witwa Darko Novic batangiye gukora imyitoza muri iki gitondo ku kirenga stadium ari cyo kibuga basanzwe bakoreraho imyitozo giherereye i Shyorongi ,aho iyi myitozo bayitangiranye n’amwe mu mazina mashya aherutse gushyira imikono ku masezerano muri iyi ikipe yiganjemo ayakubutse hanze y’ u Rwanda barimo: Yusef Dauda,Richmond Lamptey,Mamadou SY, ndetse n’umusore ukomoka muri Brazil uhamaze iminsi mu igeragezwa Juan Baptista.
Aba bagaragaye mu kibuga nyuma y’uko mu minsi ishize ikipe y’ingabo z’Igihugu “APR FC” yerekanye abakinnyi batatu bayo bashya, Abanya – Ghana babiri ; Richmond Lamptey na Seidou Daouda ndetse na rutahizamu w’ikipe y’Igihugu ya Mauritania, Mamadou Sy.
Kurundi ruhande nanone amwe mu makipe akomeye yari yitezwe mu mikino ya CECAFA Kagame Cup izabera i Dar es Salaam ku matariki ya 6-22 Nyakanga 2024, yatangaje ko atazagaragara muri iri rushanwa mu gihe ridahinduriwe igihe rigomba kubera.
Tariki ya 10 Kamena uyu mwaka ni bwo Impuzamashyirahamwe y’Umupira w’Amaguru muri Afurika y’Iburasirazuba no Hagati (CECAFA) yatangaje ko Irushanwa rya CECAFA Kagame Cup ry’uyu mwaka, rizitabirwa n’amakipe 16 arimo atatu yatumiwe aho yahise inavuga ko amatariki yigijwe imbere.
Nyuma yo gutangaza ibi, TP Mazembe yo muri Repubulika Iharanira Demokarasi ya Congo yahise iba iya mbere mu gutangaza ko nta butumire bwa CECAFA yigeze ihabwa ndetse ko bigoye ko yakina iyi mikino, cyane ko abakinnyi bayo kuri ubu bari mu biruhuko kandi bazagaruka mu myitozo tariki ya 15 Nyakanga.