APR FC ikomeje kuryoherwa n’isoko rya Uganda aho igiye gukurayo abandi bakinnyi babiri
Ikipe y’Ingabo z’Igihugu cy’u Rwanda “APR FC” amakuru aravuga ko iri mu biganiro n’abakinnyi babiri b’Abanya-Uganda Allan Okello na Ronald Ssekiganda bagiye kwiyongera ku bandi batatu basanzwe muri iyi kipe.
Iyi kipe y’Ingabo z’Igihugu iri mu mushinga wo kuzaba ikipe nziza muri Africa ari nabyo biri gutuma igura abakinnyi benshi bari ku rwego mpuzamahanga baturutse mu bihugu bitandukanye bya Africa Kandi by’umupira nka Ghana , Mali , Senegal na Uganda.
Kuri ubu APR FC ifite abanya Uganda batatu barimo Taddeo Lwanga ukina hagati mu Kibuga, Denis Omedi na Hakimu Kiwanuka baje muri uyu mwaka mu isoko ry’Igura n’Igurisha ry’u kwezi kwa mbere.
Aba bakinnyi bombi bagiye kugurwa ni abakinnyi b’ingenzi ku ikipe y’igihugu ya Uganda dore ko bahamagarwa kenshi ndetse n’imikino iheruka barayikinnye yari iyo gushaka itike y’Imikino y’Anyuma y’Igikombe cy’Isi cya 2026, ndetse Allan Okello we yatsinze igitego cyahaye amanota atatu Uganda imbere ya Guinée.
Allan Okello akinira Vipers, akaba ari umukinnyi ukina mu kibuga hagati yataka(Attacking Midfield) , afita imyaka 24 akazuzuza 25 mu kwezi kwa Kamena kwa 2025, yakiniye amakipe nka KCCA ,Paradou ndetse n’Ikipe y’Igihigu ya Uganda kuva mu mwaka 2017.
Ronald Ssekiganda we akina mu kibuga hagati ariko mu bushobozi bwinshi bwo kwataka bijyana no kugarira , akaba afite imyaka 21 , ubu ari mu ikipe ya SC Villa. Yatangiye gukinira Abagande mu 2024.
IYI NKURU UYAKIRIYE UTE?