APR FC yatsinze Rutsiro FC ibitego 5-0 mu mukino w’umunsi wa 25 wa Rwanda Premier League, ihita ifata umwanya wa mbere n’amanota 52.
Umutoza wa APR FC, Darko Novic, yari yahisemo gukoresha umuzamu Ishimwe Pierre ,Byiringiro Jean Gilbert ,Niyomugabo Claude (C), Niyigena Clement ,Nshimiyimana Yunussu ,Nshimirimana Ismael, Pitchou, Ruboneka Bosco, Lamine Bah ,Mugisha Gilbert , Hakim Kiwanuka na Djibril Ouattara .
Kurundi ruhande Gatera Moussa wa Rutsiro , yahisemo gukinisha: Matumele Arnold (C) ,Kwizera Bahati Emilien , Kabura Jean, Mutijima Gilbert, Hitimana Jean Claude ,Nkubito Amza ,Ndabitezimana Lazard ,Kwizera Eric ,Habimana Yves ,Makola Basilua Jeremie na Mumbere Mbusa Jeremie
Rutahizamu wa APR FC, Djibril Ouattara, yatsinze igitego cya mbere ku mupira yateresheje umutwe, Umunyezamu wa Rutsiro FC, Matumele Arnold, akananirwa kuwukuramo.
Uyu munya-Burkina Faso, Djibril Cheikh Ouattara, amaze gutsinda ibitego umunani mu mikino 10 yo kwishyura muri Shampiyona.
Ruboneka Bosco yatsinze igitego cya kabiri cya APR FC nyuma y’amakosa yakozwe n’ab’inyuma ba Rutsiro FC
Ku munota wa 66′ w’umukino ,Umugande Denis Omedi yatsinze igitego cya gatatu cya APR FC ku makosa y’umunyezamu wa Rutsiro FC washatse gucenga Lamine Bah amutwara umupira.
Hanyuma Lamine Bah wari wajengereje ab’inyuma ba Rutsiro yongeye kunyeganyeza inshundura ku munota wa 69′ ku mupira yinjiranye mu rubuga rw’amahina, nyuma yo kuwuherezwa na Ouattara, aroba umunyezamu Matumele Arnold.
Ku munota wa 76′ , Umunya-Nigeria ,Victor Mbaoma atsinze igitego cya mbere muri Shampiyona,kikba n’icya gatanu cya APR FC, ku mupira wari uhinduwe neza na Niyomugabo Claude.
Kurundi ruhande ariko ,abakinnyi n’abatoza ba Rayon Sports bakurikiranye umukino ,Rayon Sports ya kabiri n’amanota 50 izakirwa na Etincelles FC kuri iki Cyumweru.
Rutsiro FC igumye ku mwanya wa kane n’amanota 37.
