AFCON 2025 : Tanzania yatsinze ikirego yaregwagamo na Guinea
Impuzamashyirahamwe y’umupira w’amaguru ku mugabane w’Afurika [ CAF ] imaze kwemeza ko igihugu cya Tanzania cyamaze kubona itike icyerekeza mu gikombe cy’Afurika giteganijwe kubera muri Morocco nyuma yuko ikipe ya Guinea yatsinzwe ikirego yayiregagamo cyo gukinisha umukinnyi wari ufite numero ihabanye n’iya iri ku rupapuro rw’umukino .
Ikipe y’igihugu ya Tanzania bakunze kwita (Taifa stars) yashinjwaga na Guinea kuba yarakinishije umukinnyi ufite nimero itandukanye n’iri ku rupapuro rw’umukino, ibintu bihanwa n’amategeko y’umukino mu marushanwa ya CAF.
Mu mukino wo gushaka itike y’igikombe cy’Afurika uherutse kuba ubwo iki gihugu cyatsindaga silly national ya Guinea ndetse bigahita byemezwa ko Tanzania ariyo ibonye itike nyuma yo gukurikirana n’ikipe ya Repubulika Iharanira Demokarasi ya Congo yo yari iyoboye itsinda rya H, byagaragaye ko ku minota wa 76 ikipe y’igihugu ya Tanzania yinjije nimero 26 Ibrahim Ame ubwo yasimburaga kapiteni Mbwana Ally Samatta.
Mu kirego ikipe y’igihugu ya Guinea yatanze muri CAF igaragaza ko Ibrahim Ame wari wambaye nimero 26 mu mugongo we, nta hantu na hamwe agaragara ku mpapuro z’umukino, birenzeho Guinea ikaba yongera igashinja abarebera inyungu za ruhago muri Tanzania guhindura amasaha y’umukino nkana ugakurwa saa 19:00 ukazanwa saa 15:00 ku manywa ibintu Abanya-Guinea bavuga ko byagize ingaruka mbi ku bakinnyi babo bamenyereye ikirere cy’i Burayi.
Ikirego cya gatatu Guinea itanga n’ikijyanye n’abakomiseri b’umukino aho ishinja CAF ivuga ko bakomoka mu gihugu cya Kenya, ibintu bahuza no kuba Kenya ibarizwa mu karere kamwe na Tanzania nubwo byose CAF yamaze kubitesha agaciro .
