Achraf Hakimi yabonye umukunzi mushya
Umunya-Morocco Achraf Hakimi nyuma yo gutandukana n’uwari umugore we mu buryo butangaje yamaze kwishumbusha Umuhorandi.
Mu mwaka wa 2023 nibwo Ashraf Hakimi yatandukanye n’Umunya-Esipanye Hiba Aboukhris Benslimane bari barasezeranye mu mwaka wa 2020 nyuma y’uko uyu mugore yamushinjaga n’ibirimo ku muhohotera.
Uyu mugore uzwi cyane mu gihugu cya Esipanye mugukina amafilimi ndetse no kumurika imideli yarushaga uyu myugariro w’iburyo wa Paris Saint-Germain imyaka 12, aho uyu mugore afite imyaka 37 mu gihe Ashraf Hakimi afite 25.
Baje gutandukanwa batakibana umugore we akifuza ko yahabwa kimwe cya kibiri cy’imitungo yose gusa bitunguranye urukiko rwasanze Hakimi imitungo myinshi yitwa iye itamwanditseho, bituma imyinshi mu yagabanywe yari iyu mugore we babyaranye abana babiri, uyu mugore yahise anabatwara iwabo muri Esipanye nyuma yo gutandukana n’umugabo.
Ubu rero ibitangazamakuru byamaze guhishura ko uyu Munya-Morocco yamaze kwinjira mu rukundo rushya n’Umuhorandi Arnelle Slot, nubwo byagiye hanze bo batabyifuza dore ko bari bamaze iminsi bombi bahura mu ibanga rikomeye.
kuri ubu Ashraf Hakimi arabarizwa mu ikipe ya Paris Saint-Germain yagezemo mu mwaka wa 2021 avuye mu ikipe ya Inter Milan mu gihugu cy’Ubutaliyani, akaba amaze gukinira iyi kipe ibarizwa mu murwa mu kuru w’Abafaransa Paris imikino 91 ayitsindira ibitego 14.
Ndetse kuva muri 2016 yatangiye kugaragara mu ikipe y’igihugu ya Morocco Kugeza na nubu akaba ari mu nkingi z’amwamba muri iyi kipe amaze gukinira imikino 80 akayitsindira ibitego 10.