Nibura abantu 70 barapfuye abandi 3,000 bahatirwa guhunga bitewe nuko abantu bitwaje imbunda bo mu gatsiko ka Gran Grif bagabye igitero mu mujyi wo muri Haiti rwagati.
Ku wa gatanu, ibiro by’umuryango w’abibumbye bishinzwe uburenganzira bw’ikiremwamuntu byatangaje ko igitero cyagabwe ku wa kane i Pont-Sonde, ku birometero 100 mu majyaruguru y’iburengerazuba bwa Port-au-Prince.
Umuryango w’abibumbye wongeyeho ko byibuze abantu 16 bakomeretse bikabije muri icyo gitero, barimo abayoboke babiri b’agatsiko bakubiswe mu gihe cyo gukozanyaho kw’imbunda hagati y’ibi bisambo n’abapolisi ba Haiti.
Ibiro byavuze ko abayoboke b’agatsiko ko batwitse byibuze amazu 45 n’imodoka 34.Mu magambo ye umuvugizi w’ibiro bishinzwe uburenganzira bwa muntu, Thameen Al-Kheetan,
yagize ati: “Abayoboke b’agatsiko ka Gran Grif bakoresheje imbunda mu kurasa abaturage, bahitana byibuze abantu 70, muri bo hakaba harimo abagore 10 n’impinja eshatu.”
Ku wa gatanu, umunyamabanga mukuru wa Loni, Antonio Guterres na we yamaganye icyo gitero.Minisitiri w’intebe wa Haiti, Garry Conille, yamaganiye kure icyo gitero cyagabwe kuri X, agira ati: “Icyaha kibi cyibasiye abagore batagira kirengera, abagabo n’abana ntabwo ari igitero cyagabwe ku bahohotewe gusa ahubwo ni n’igihugu cyose cya Haiti”.
“Kubiba iterabwoba, ndabivuze ibi: ntuzarenga ku cyemezo cyacu. Ntabwo tuzigera tureka uburenganzira bwacu bwo kubaho mu mahoro buhonyorwa gutyo gusa”
Mu cyumweru gishize, Ishami ry’umuryango w’abibumbye ryita ku burenganzira bwa muntu ryavuze ko kugeza uyu mwaka, abantu barenga 3,661 biciwe mu ihohoterwa ry’agatsiko mu gihugu ,Umuryango mpuzamahanga ushinzwe abinjira n’abasohoka uvuga ko aya amakimbirane yanimuye byibuze abantu 700,000.
